ផ្នូរសពប៉ុល ពត ក្លាយជាកន្លែងបួងសួង
ស្រុក អន្លង់វែង(ឧត្តរមានជ័យ) ទីសក្ការៈបូជាដែលត្រូវបានសាងសង់ឡើងនៅក្បែរផ្នូរកប់សព ប៉ុលពត អតីតមេដឹកនាំខ្មែរក្រហមបច្ចុប្បន្ននេះនៅតែមានមនុស្សទៅកាន់ ទីនោះស្ទើរតែរាល់ថ្ងៃដើម្បីក្រាបសំពះសុំសេចក្តីសុខ និងខ្លះទៀតសុំឱ្យក្រុមគ្រួសាររបស់ ពួកគេមានសំណាង។បើទោះបីជានៅទីនោះមានឈ្មោះ ប៉ុលពត ជាឈ្មោះដែលខ្មែរគ្រប់រួបស្អប់ខ្ពើមបំផុតឫ សំរាប់ប្រជាជននៅទូទាំងប្រទេស ស្អប់យ៉ាងណាក៏ដោយ ប៉ុន្តែសំរាប់អ្នកស្រុកដែល រស់នៅដាច់ស្រយាលក្នុងស្រុកអន្លង់វែង ខេត្តឧត្តរមានជ័យនោះ នៅតែចាត់ទុកថា អតីតមេដឹកនាំខ្មែរក្រហមរូបនេះជា វីរបុរសរបស់ពួកគេជានិច្ចដដែល និងនៅតែមានជំនឿថា ប៉ុលពត គឺជាអ្នកស្រលាញ់ជាតិ ដែលធ្លាប់ដឹកនាំទ័ពខ្មែរក្រហមតស៊ូជាមួយ នឹងការឈ្លានពានរបស់(វៀតណាម)។ កាលពីថ្ងៃសៅរ៏ ទី១៥ មេសា កន្លងមកអ្នកស្រុកអន្លង់វែងរាប់សិបនាក់បានមកជួបជុំគ្នានៅ ផ្នូរ ប៉ុលពត ដែលកាលពី៨ឆ្នាំមុន ខ្មោចប៉ុលពត ត្រូវបានដុតដោយកង់ឡានចាស់ៗ និងសំភារៈខ្លះដែលធ្វើពីឈើ។ ក្រុមអ្នកស្រលាញ់ ប៉ុលពត ដែលបានជួបជុំគ្នានេះ ក៏បាននិមន្តព្រះសង្ឃ៦អង្គ ប្រារព្ធពិធីតាមព្រះពុទ្ធសាសនា និងមានការសំដែងធម្មទេសនា អុជធូបទៀនឧទ្ទិសបួងសួងដល់វិញ្ញាណក្ខន្ធ និងភាវ នាឱ្យព្រលឹង ប៉ុលពត ត្រឡប់មកថែរក្សាពួកគេនៅទីនោះបន្តទៀត។
គួរបញ្ចាក់ ផងដែរថា អតីតមេដឹកនាំខ្មែរក្រហម ប៉ុលពត បានស្លាប់បាត់បង់ជីវិតនៅថ្ងៃ ទី១៥ មេសា ឆ្នាំ១៩៩៨ ក្រោយពីមេដឹកនាំក្រុមឧទ្ទាមខ្មែរក្រហមរូបនេះធ្វើការប្រឆាំង នឹងកងទ័ពវៀតណាម និងអតីតរដ្ឋកម្ពុជាយ៉ាងប្តូរផ្តាច់ក្នុងទសវត្ស ទី៨០។ ទោះបីជាបែបណា ប៉ុលពត បានស្លាប់ មុនពេលដែលក្រុមមេដឹកនាំខ្មែរក្រហមឯទៀតខ្លះបាត់បង់ ការតស៊ូដោយអាវុធ និងខ្លះទៀតត្រូវចាប់ខ្លួនរងចាំការកាត់ទោសចំពោះការអនុវត្តន៏ នយោបាយកាប់សម្លាប់ដោយឱ្យទទួលខុសត្រូវចំពោះការស្លាប់បាត់បង់ ជីវិតរបស់ ប្រជាជនច្រើនលាននាក់ក្នុងអំឡុង ឆ្នាំ១៩៧៥-១៩៧៩ ដែលជារបបខ្មែរក្រហមកាន់អំណាច។ បណ្តាអ្នកដែលទៅចូលរួមក្នុងពិធីនោះ មានគ្នាប្រហែលជាង៥០នាក់ បានថ្លែងថាពិធីនេះរៀបចំឡើងដើម្បីរំលឹកដល់អតីតមេដឹកនាំ នៅក្នុងឱកាសបុណ្យចូលឆ្នាំថ្មីប្រពៃណីជាតិមិនមែនក្នុងឱកាស គំរប់ខួប៨ឆ្នាំនៃការស្លាប់របស់ ប៉ុលពត ឡើយ។ ក្រៅពីនេះគឺជាការរំលឹកដល់មិត្តភក្តិខ្មែរក្រហមដែល បានស្លាប់បាត់បង់ជីវិតក្នុងការ បំពេញតួនាទីនៅតំបន់ភ្នំដងរែក ស្ថិតនៅតាមបណ្តោយព្រំដែនភាគខាងជើងនៃប្រទេសផងដែរ។ អន្លង់វែងគឺជាមូលដ្ឋានដ៏រឹងមាំចុងក្រោយរបស់ក្រុមឧទ្ទាមខ្មែរ ក្រហមមួយកន្លែង ដែលដឹកនាំដោយមេទ័ព តាម៉ុក នៅមុនពេលមានការចុះចូលនៅ ឆ្នាំ១៩៩៩ ហើយតាម៉ុក ត្រូវបានចាប់ខ្លួនបាន និងកំពុងតែជាប់ពន្ធនាគាររហូតដល់សព្វថ្ងៃរងចាំ ការកាត់ទោសនៅសាលាក្តីខ្មែរក្រហមដែលនឹងរៀបចំឡើងនៅ ឆ្នាំ២០០៧ ខាងមុខនេះ។
បណ្តាអ្នកស្រុកនៅតាមអន្លង់វែង ក្រៅពីនិមន្តព្រះសង្ឃប្រារព្វពិធីរំលឹកវិញ្ញាណក្ខន្ធដល់រីរបុរស របស់ពួកគេនោះ នៅមានរៀបចំការប្រកួតប្រដាល់រវាងអ្នកប្រដាល់ជនជាតិខ្មែរ ជាមួយអ្នកប្រដាល់ជនជាតិថៃផងដែរ និងមានអ្នកខ្លះនាំគ្នាទៅអុជធូបបួងសួងសុំសេចក្តីសុខ និងសុំលេខសំណាង(លេខឆ្នោត) ផងដែរដោយគ្រប់គ្នាចាត់ទុក ប៉ុលពត ប្រៀបដូចជាអ្នកតា។ គេនៅចាំបានថាកាលពី ៨ឆ្នាំមុនខណៈដែល ប៉ុលពត បានស្លាប់ក្រុមអ្នកឈ្លក់វង្វេង នឹងលេខឆ្នោតបាននាំគ្នាចាក់តាមអាយុ ប៉ុលពត ហើយល្បីថាបានត្រូវគ្រប់ៗគ្នាដែលកាលនោះ ប៉ុលពត មានអាយុ៧៣ឆ្នាំ។ តាំងពីពេលនោះមកផ្នូរ ប៉ុលពត ត្រូវបានចាត់ទុកថាជាកន្លែងអច្ឆរិយៈសំរាប់ការបួងសួង តែសំរាប់អ្នកគ្នានជំនឿបានទទួលស្គាល់ថាផ្នូរ ប៉ុលពត គឺជាកន្លែងទេសចរណ៏ប្រវត្តិសាស្ត្រមួយ។
(ប្រភពៈ កោះសន្តិភាព)
Add comment ខែ មេសា 21, 2006
បរិមាណឧស្ម័នកាបូនិកកើនឡើងយ៉ាងខ្លាំដល់កំរិត ខ្ពស់បំផុត
ក្រុម អ្នកវិទ្យាសាស្ត្រអាកាសធាតុអាមេរិកបានធ្វើការកត់សំគាល់នូវ ការកើនឡើងយ៉ាងខ្លាំងបំផុតនូវបណ្តុំឧស្ម័នកាបូនិក(CO2) នៅក្នុងស្រទាប់បរិយាកាសដែលនេះជាកំរិតខ្ពស់បំផុតមិនដែលមានពី មុនមក។ សារពត៍មានប៊ីប៊ីស៊ីបានបង្ហាញពីទិន្នន័យ ដែលឃើញថាកំរិតរបស់ឧស្ម័នកាបូនិកឡើងដល់កំរិត ៣៨១ផ្នែក ក្នុង១លានដែលកាលពីលើកមុនមានត្រឹមតែ ១០០ផ្នែក ក្នុង១លានប៉ុណ្ណោះ។
តាមការស្រាវជ្រាវបានបញ្ជាក់ថា ឆ្នាំ២០០៥គឺជាឆ្នាំដែលមានការកើនឡើងនូវបរិមាណ ឧស្ម័នកាបូនិកនៅក្នុងបរិយាកាសច្រើនជាងឆ្នាំណាៗទាំងអស់។ រដ្ឋបាលគ្រប់គ្រងបរិយាកាស នឹងផ្ទៃសមុទ្រជាតិ របស់សហរដ្ឋអាមេរិកបានធ្វើការវិភាគទៅលើខ្យល់ដែល ប្រមូលយកមកពីជុំវិញពិភពលោករួមទាំងតំបន់ភ្នំថ្មរបស់សហរដ្ឋអា មេរិកផងដែរ។
ប្រធានក្រុមវិភាគឧស្ម័នកាបូនិកនៃរដ្ឋបាលគ្រប់គ្រងបរិយាកាស និងផ្ទៃសមុទ្រជាតិរបស់អាមេរិកបាននិយាយថា តាមទិន្នន័យលើកចុងក្រោយនេះបញ្ជាក់ពីការកើនឡើង ក្នុងកំរិតគួរឲ្យព្រួយបារម្ភនៃឧស្ម័នកាបូនិកក្នុងរយៈពេល ប៉ុន្មានឆ្នាំនេះ គឺកើនឡើងទ្វេដងបើប្រៀបធៀបទៅកាលពី ៣០ឆ្នាំមុន។ លោកបណ្ឌិត ព្យឺធ័រធែន បាននិយាយថាគ្មានការថយបន្តិចណាឡើយ ហើយសន្ទុះនៃការកើនឡើងកាន់តែលឿនទៅៗ។
កំរិតនៃការកើនឡើងរបស់ឧស្ម័នកាបូនិកនៅពេលនេះកើនឡើងគួរឲ្យ ព្រួយបារម្ភនៅ ក្នុងបរិយាកាសពិភពលោក ហើយវា នឹងអាចផ្តល់ផលអាក្រក់ដល់ការផ្លាស់ប្តូរនាពេលបច្ចុប្បន្ននេះ។ លោកសាស្ត្រាចារ្យ ដេវិដ ឃីង ប្រធានក្រុមទីប្រឹក្សាវិទ្យាសាស្ត្រ អង់គ្លេសបាននិយាយថាតាមទិន្នន័យដែលបង្ហាញនូវដំណាក់កាលចុងក្រោយ នេះ គឺបង្ហាញពីភាពចាំបាច់ដែលយើងត្រូវចាត់វិធានការជាបន្ទាន់ដើម្បី ទប់ស្កាត់ និងកំនត់បរិមាណ ឧស្ម័នកាបូនិកដែលត្រូវប៉ភាយឡើង និងដើម្បីគ្រប់គ្រងការប្រែប្រួលនៃស្រទាប់បរិយាកាស។
(ប្រភពៈ ប៊ីប៊ីស៊ី)
Add comment ខែ មេសា 4, 2006
ម្ចាស់ពានរង្វាន់គណិតវិទូប្រចាំឆ្នាំ២០០៦
គណិត វិទូជនជាតិស៊ុយអែតឈ្មោះ ឡេណាតខាឡេសុន ត្រូវបានប្រកាសថាជាអ្នកឈ្នះពាន់រង្វាន់អាបែល២០០៦ (2006 Abel Prize) ចំពោះការងារដ៏ឆ្លាតវៃក្នុងជំនាញគណិតវិទ្យា។ ពាន់រង្វាន់នេះមានតម្លៃ ៩២០,០០០ដុល្លារអាមេរិក ហើយបានទទួលស្គាល់ថាជាអ្នកជំនាញខាងផ្នែកគណិតវិទ្យាដោយពាន រង្វាន់ណូបែល។ការផ្តល់ពានរង្វាន់នេះ គឺទទួលស្គាល់ស្នាដៃរបស់លោកសាស្ត្រាចារ្យ ខាឡេសុនក្នុងការវិភាគតាមក្បួនគណិតសាស្ត្រ ជាពិសេសជាទឹកតាង គឺទ្រឹស្តីហ្វឺរីយេមួយចំនួនដែល លោកបានបង្កើត។ ពាន់រង្វាន់នេះត្រូវបានប្រគល់ដោយវិទ្យាស្ថានវិទ្យាសាស្ត្រ និងអក្សរសាស្ត្រនៃប្រទេសណកវ៉េ។
លោកសាស្ត្រាចារ្យ ខាឡេសុនបានប្រាប់ថា លោកពិតជាមានការត្រេកអរ និងរំភើបជាខ្លាំងនៅពេលដែលបានទទួលដំណឹងពីការប្រកាសកាលពីថ្ងៃ ព្រហស្បត៏កន្លងទៅនៅទីក្រុងអូស្លូ។ លោកបាននិយាយថា មានមនុស្សពូកែជាច្រើនដែលត្រូវបានជ្រើសរើស ហេតុដូច្នេះលោកមានការសប្បាយចិត្តខ្លាំងណាស់ ហើយគិតថាលោកមានសំណាងណាស់។ លោកនឹងចូលរួមដើម្បីទទួលពានរង្វាន់របស់លោកពីសំណាក់ព្រះមហា ក្សត្រនៃប្រទេសណកវ៉េនៅក្នុងកម្មវិធីប្រគល់ពានរង្វាន់នៅថ្ងៃ ទី២៣ ឧសភាខាងមុខ។
គណកម្មាធិការពានរង្វាន់អាបែលអន្តរជាតិ ដែលបានសំរេចជ្រើសរើសរូបលោក ខាឡេសុនជាអ្នកឈ្នះបាននិយាយថាលោក ខាឡេសុន គឺពូកែដាច់ជាងមនុស្សជាច្រើនទៀតពីព្រោះលោកបានដោះស្រាយនូវ បញ្ហាដែលលំបាកៗបំផុតជាច្រើន។
(ប្រភពៈ ប៊ីប៊ីស៊ី)
4 comments ខែ មេសា 4, 2006
អ្នកទេសចរណ៏ជាតិ និងអន្តរជាតិចូលទស្សនា សារមន្ទីរជាតិកើនឡើង
សារមន្ទីរជាតិស្ថិតក្នុងក្រុងភ្នំពេញ គឺជាវិមានដ៏ស្គឹមស្គៃលំនាំតាមស្ថាបត្យកម្មខ្មែរ បុរាណសំរាប់ទុកដាក់ថែរក្សា និងតាំងវត្ថុបុរាណដែលជាស្នាដៃសិល្បៈរបស់បុព្វបុរសខ្មែរគ្រប់ជំនាន់ទាំងអស់រួមទាំងវត្ថុពីសម័យបុរេប្រវត្តិសាស្ត្រផងដែរ។លោក ឃុន សាម៉េន ប្រធានសារមន្ទីរជាតិបានឲ្យដឹងថា សារមន្ទីរជាតិភ្នំពេញ បានកសាងឡើងក្នុងឆ្នាំ១៩១៧ នាសម័យអាណានិគមបារាំង(១៨៦៣-១៩៥៣) ហើយសម្ផោធឲ្យប្រើប្រាស់ជាផ្លូវការក្រោមអធិបតីភាពរបស់ព្រះករុណាព្រះបាទសម្តេច ព្រះស៊ីសុវត្ថិព្រះចៅក្រុងកម្ពុជានា ថ្ងៃទី១៣ ខែមេសា ឆ្នាំ១៩២០។ នៅសម័យនោះដើម្បី លើកកិត្តិយសដល់លោកទេសាភិបាលបារាំងឈ្មោះ អាល់ប៉ែរត៏ សារូត៏ ប្រចាំនៅឥណ្ឌូចិនសារមន្ទីរនេះត្រូវបានប្រែឈ្មោះពីសារមន្ទីរ ក្រុងកម្ពុជាធិបតី ទៅជារសារមន្ទីរ អាល់ប៉ែរត៏សារូត៏វិញ។
លោកប្រធានសារមន្ទីរប្រាប់ថាសារមន្ទីរជាតិបានតុបតែងក្បាច់រចនាយ៉ាងរស់រវើកនៅ លើបង្អួចទាំង១២និងនៅលើទ្វារធំទាំងបី ព្រមទាំងបានគូរផ្ទាំងគំនូររៀបរាប់ពីរឿង ព្រេងខ្មែរតាមសន្លឹកបង្អួចជួរខាងលិចពីខាងក្នុង។ សារមន្ទីរនេះស្ថិតនៅក្នុងមណ្ឌល តែមួយនឹងសាលាភូមិន្ទវិចិត្រសិល្បៈ (សាលារចនាដែលកសាងក្នុងឆ្នាំ១៩១៧) ។
បារាំងបានផ្ទេរការគ្រប់គ្រងសារមន្ទីរកម្ពុជាវិញនៅឆ្នាំ ១៩៥១ ហើយចាប់ពីឆ្នាំ១៩៦៦ ដល់១៩៧៥សារមន្ទីរគ្រប់គ្រងដោយអភិរក្សជាជនជាតិខ្មែរ២រូប គឺលោកជាថៃសេង និងលោកលីវ៉ូអុង។ចាប់ពីក្រោយថ្ងៃរំដោះ ៧មករា ១៩៧៩មកមានអភិរក្សជាច្រើនរូប ដូចជាលោកកាន់ម៉នលោអ៊ុកជា លោកអ៊ុក ស៊ុនហេង និងលោកពេជ្រកែវមកឲ្យលោក ឃុនសាម៉េនរហូតមកដល់បច្ចុប្បន្ននេះ ។
នៅក្នុងបរិវេណសារមន្ទីរជាតិលំអរទៅដោយសួនច្បារ និងមានដាក់តាំងរូបចម្លាក់ ផ្សេងៗជាច្រើនដែលសុទ្ធតែជាវត្ថុបុរាណ ស្នាដៃបុព្វបុរសខ្មែរសម័យមុន ហើយនៅក្នុង អាគារសារមន្ទីរមានវត្ថុបុរាណសំខាន់ៗជាច្រើន ។
លោកឃុន សាម៉េនឲ្យដឹងថានៅឆ្នាំ២០០៤ បើតាមស្ថិតិរបស់ការិយាល័យរដ្ឋបានឲ្យ ដឹងថាមានភ្ញៀវជាតិនិងអន្តរជាតិចូលទស្សនានៅក្នុងសារមន្ទីរចំនួន៦៨,១៧៤នាក់ ក្នុងនោះមានសិស្ស-និស្សិតចំនួន ៨,៣១១នាក់ ព្រះសង្ឃចំនួន៣,៨៣៤អង្គ ភ្ញៀវជាតិ ចំនួន១១,៨៣៩នាក់និងភ្ញៀវអន្តរជាតិចំនួន៤៤,២៤៥នាក់ រួមទាំងគណប្រតិភូអន្តរ ជាតិចំនួន៩៤៤នាក់។ចំនែកនៅឆ្នាំ២០០៥ សារមន្ទីរជាតិបានទទួលភ្ញៀវជាតិនិងអន្តរ ជាតិសរុបចំនួន៧៨,០២៥នាក់ និងភ្ញៀវអន្តរជាតិចំនួន ៥១,២៥១នាក់។ បើប្រៀប ធៀបរវាងឆ្នាំ២០០៤និងឆ្នាំ២០០៥ ឃើញថាសារមន្ទីរជាតិមានភ្ញៀវកើនឡើងជាង១ ម៉ឺននាក់។
ដោយឡែកនៅខែមករាឆ្នាំ២០០៦នេះពីមួយថ្ងៃទៅមួយថ្ងៃមានទេសចរណ៏ជាតិនិង អន្តរជាតិចូលទស្សនាកើនឡើងជាលំដាប់ ក្នុងនេះសំរាប់ថ្ងៃទី៣១ មករាមានភ្ញៀវជាង ៧០០នាក់ឯណោះ។ទាក់ទិននឹងតំលៃសំបុត្រគឺភ្ញៀវជាតិសំបុត្រមួយថ្លៃ៥០០រៀលនិង ភ្ញៀវបរទេសសំបុត្រមួយថ្លៃ៣ដុល្លារ។ ចំពោះសិស្ស-និស្សិត និងព្រះសង្ឃមិនតំរូវឲ្យ ទិញសំបុត្រទេ។ក្រៅពីនេះប្រជាពលរដ្ឋមនុស្សចាស់ក្រីក្រដែលសុំចូលទស្សនានិង មានការយោគយល់ផងដែរ។
លោកប្រធានសារមន្ទីរជាតិបញ្ជាក់ថា ការលក់សំបុត្រឲ្យភ្ញៀវជាតិ តម្លៃ៥០០រៀលនេះ គឺសំរាប់ប្រមូលយកមកថែទាំសំអាតទីធ្លាសារមន្ទីរ និងសំរាប់ចំណាយទៅលើការថៃ រក្សាវត្ថុបុរាណចំពោះថវិកាដែល បានមកពីការលក់សំបុត្រឲ្យភ្ញៀវបរទេស គឺសំរាប់ អភិរក្សវត្ថុបុរាណនានាក្នុងសារមន្ទីរ និងនៅទូទាំងព្រះរាជាណាចក្រកម្ពុជា ។
(ប្រភពៈ everyday)
មតិយោបល់សូមចុច Comment
Add comment ខែ មេសា 3, 2006
អ្នកឈ្នះឆ្នោតនៅអ៊ីស្រាអែលរៀបចំកម្មវិធីនយោបាយ
លោកនាយករដ្ឋមន្ត្រីបណ្តោះអាសន្ននៃប្រទេសអ៊ីស្រាអែល និងជាអ្នកដឹកនាំគណបក្ស និយមកណ្តាលគណបក្សកាឌីម៉ាលោកអេហ៊ូដអួលម៉ឺតបាន ប្រកាសពីជោគជ័យរបស់ ខ្លួនបាននិយាយថាដល់ពេលដែលយើងត្រូវបាន បើកទំព័រសំរាប់ប្រទេសអ៊ីស្រាអែល ហើយ។លោកអេហ៊ូដអួលម៉ឺតបានឡើងធ្វើជានាយករដ្ឋមន្ត្រីបណ្តោះអាសន្ននិងដឹកនាំ គណបក្សកាឌីម៉ាដែលជាតំណែងរបស់លោកអារីយែលសារ៉ូននេះ គឺដោយសារតែ លោកសារ៉ូនបានធ្លាក់ខ្លួនឈឺសំរាកនៅមន្ទីរពេទ្យសន្លប់មិនដឹងខ្លួនដោយដាច់សរសៃ ឈាមក្នុងខួរក្បាលតាំងពីខែមករាមកម្លេះ ។
រហូតមកដល់ពេលនេះ សន្លឹកឆ្នោតបានរាប់បាន៧៥%ហើយ ដែលគណបក្សកាឌីម៉ា របស់លោកអេហ៊ួដអួលម៉ឺត បាននាំមុខគេដោយសំឡេងគាំទ្រ ២៨កៅអី ក្នុងចំណោម ១២០កៅអីហើយនៅក្នុងសភា ។ នៅក្នុងការផ្លែងទៅកាន់សមាជិកបក្សកាឌីម៉ារបស់ លោកលោកបានឡើងពីគំរោងដើម្បីបំពេញតាមការសន្យាក្នុងពេលបោះឆ្នោតដោយ ត្រូវបង្កើតនូវព្រំដែនអចិន្ត្រៃយ៏មួយសំរាប់ប្រទេសអ៊ីស្រាអែលត្រឹមឆ្នាំ២០១០ ។
លោកបាននិយាយថា លោកបានត្រៀមខ្លួនដើម្បីធ្វើការចរចា ដោយសន្តិវិធីជាមួយ ភាគីប៉ាឡេស្ទីនប៉ុន្តែនឹងធ្វើជាឯកតោភាគីបើសិនជាចាំបាច់ ។ ដោយឈរនៅពីមុខរូប របស់លោកនាយករដ្ឋមន្ត្រីអារីយែល សារ៉ូន លោកអួលម៉ឺត បានសំដែងនូវការគោរព ដោយស្មោះស្ម័គ្រមុនពេលដែលលោកលើកឡើងពីគំរោងសំរាប់រយៈពេល៤ឆ្នាំដែល លោកនឹងកាន់អំណាច។តាមគំរោងរបស់លោក អួល ម៉ឺត ពីមុនមក គឺត្រួវជម្លៀសជំរុំ ជនជ្វិហ្វតូចៗនៅតំបន់វែស្តប៊ែងមួយចំនួន តែត្រួវបញ្ចូលទៅក្នុងជំរុំធំៗវិញ ។
លោកបាននិយាយថា នៅក្នុងរយៈពេលដែលនឹងមកដល់នៅពេលខាងមុខ យើងនឹង បោះជំហានទៅរកការកំណត់ព្រំដែនចុងក្រោយ របស់ប្រទេសអ៊ីស្រាអែល ដែលជា ប្រទេសមួយរបស់ជនជាតិជ្វិហ្វ។ លោកនឹងព្យាយាមដើម្បីទទួលបាននូវការព្រម ព្រៀងពីភាគីប៉ាឡេស្ទីនចំពោះបញ្ហានេះ។ លោកបានប្រាប់ដល់ថ្នាក់ដឹកនាំប៉ាឡេស្ទីន ថាអ៊ីស្រាអែលបានត្រៀមខ្លួនរួចជាស្រេចដើម្បី ធ្វើការសម្របសម្រួលដើម្បីលះបង់នូវ ទឹកដីខ្លះដែលជាទីស្រលាញ់របស់អ៊ីស្រាអែល ហើយត្រូវធ្វើការជម្លៀសចេញនូវជន ជាតិជ្វិហ្វទាំងការឈឺចាប់ ដើម្បីបង្កើតនូវលក្ខខ័ណ្ឌមួយដែលអាចបំពេញតាមបំណង របស់ប៉ាឡេស្ទីន។
លោកអួលម៉ឺត បាននិយាយទៀតថា ដល់ពេលដែលប្រទេសប៉ាឡេស្ទីនធ្វើទំនាក់ទំនង ជាមួយប្រទេសអ៊ីស្រាអែលហើយ ដើម្បីទទួលយកតែផ្នែកខ្លះនៃបំណងប្រាថ្នារបស់ពួក គេដើម្បីបញ្ឈប់នូវអំពើភេវរកម្ម និងទទួលយកលទ្ធិប្រជាធិបតេយ្យ និងការសម្រប សម្រួលដោយសន្តិវិធីជាមួយអ៊ីស្រាអែល ។
ការបោះឆ្នោតលើកនេះ មានអ្នកបោះឆ្នោតចំនួន ៦២,៣% ដែលជាចំនួនដ៏ទាបបំផុត នៅក្នុងប្រវត្តិសាស្ត្ររបស់អ៊ីស្រាអែលបើប្រៀបធៀប នឹងការបោះឆ្នោតពីមុនៗមក។ តាមលទ្ធផលនៃការរាប់សន្លឹកឆ្នោតបាន ៧៥% នៅពេលនេះ គណបក្សកាឌីម៉ាបាន សំឡេង២៨កៅអីខណៈដែលគណបក្សពលករ បានសំឡេងគាំទ្រលំដាប់ទី២ គឺចំនួន ២០កៅអី។ចំណែកឯគណបក្សលីគុដ ដែលជាគណបក្សអតីតនាយករដ្ឋមន្ត្រីអារី យែលសារ៉ូនទើបតែបំបែកខ្លួនចេញមកបានសំឡេងត្រឹមតែ ១២កៅអីប៉ុណ្ណោះ ។
(ប្រភពៈ everyday)
មតិយោបល់សូមចុច Comment
Add comment ខែ មីនា 29, 2006
ព្រះមហាក្សត្រយាងធ្វើព្រះរាជទស្សនកិច្ចទៅកាន់ ម៉ាឡេស៊ី និង សិង្ហបុរី
រាជធានីភ្នំពេញៈ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាបានស្តេចយាងចេញ ប្រទេសកម្ពុជានៅព្រឹក ថ្ងៃច័ន្ទទី២៧ខែមិនឆ្នាំ២០០៦ ក្នុងព្រះរាជដំណើរទស្សនកិច្ច ផ្លូវរដ្ឋនៅប្រទេសម៉ាឡេស៊ី និងសិង្ហបុរីតាមការយាងរបស់ព្រះមហាក្សត្រ នៃប្រទេសម៉ាឡេស៊ីនិងប្រធានាធិបតី នៃសាធារណរដ្ឋសិង្ហបុរី។តាមគំរោងព្រះមហាក្សត្រកម្ពុជា នឹងយាងទៅបំពេញព្រះរាជ កិច្ចជាផ្លូវរដ្ឋនៅប្រទេសម៉ាឡេស៊ី ពីថ្ខៃទី២៧ ខែមិនាដល់ថ្ងៃទី២៩ ឆ្នាំ២០០៦ និងនៅ សាធារណរដ្ឋបុរីពីថ្ងៃទី២៩ ដល់ថ្ងៃ៣១ ខែមិនា ២០០៦ លោកហោ ណាំហុងឧបនា យករដ្ឋមន្ត្រីរដ្ឋមន្ត្រីក្រសួងការបរទេសបានមានប្រសាសន៏ ប្រាប់ក្រុមអ្នកកាសែតនៅ ឯប្រលានយន្តហោះអន្តរជាតិភ្នំពេញថា ក្នុងដំណើរព្រះរាជ ទស្សនកិច្ចរបស់ ព្រះម ហាក្សត្រទៅកាន់ប្រទេសម៉ាឡេស៊ី និងសាធារណរដ្ឋសិង្ហបុរីនេះ គឺដើម្បីពង្រឹងពង្រីក ទំនាក់ទំនងរវាងប្រទេសជិតខាង បន្ទាប់ពីព្រះអង្គបានឡើងគ្រងរាជ្យ ។ អញ្ជើញជូន ព្រះរាជដំណើរយាងចេញពីប្រទេសកម្ពុជា គេសង្កេតឃើញមន្ត្រីជាន់ខ្ពស់ជាច្រើនរូប ដូចជាសម្តេចជាស៊ីមប្រធានព្រឹទ្ធសភាជាតិ សម្តេចហេង សំរិន ប្រធានរដ្ឋសភាជាតិ លោកហោណាំហុងឧបនាយករដ្ឋមន្ត្រី រដ្ឋមន្ត្រីក្រសួងការបរទេស មន្ត្រីអ្នកមុខអ្នកការ នានាព្រមទាំងឯកអគ្គរដ្ឋទូត ឯកអគ្គរាជទូតប្រចាំនៅព្រះរាជាណាចក្រកម្ពុជាជាច្រើន រូបទៀត។
យោងតាមសេចក្តីប្រកាសពត៍មានរបស់ ក្រសួងការបរទេស និងសហប្រតិបត្តិការ អន្តរជាតិបានឱ្យដឹងថាតាមការអញ្ជើញរបស់ព្រះបាទសេរី ប៉ាឌួកា បាហ្គីងដា យ៉ាងឌី ពើទួនអាហ្គុងទាន់គូស៊ីយ៉េដ ស៊ីរ៉ាយូដឌីន ពូត្រា យ៉ាម៉ាលុឡៃ ព្រះមហាក្សត្រម៉ាឡេស៊ី ព្រះកុរណាព្រះបាទសម្តេច ព្រះវរមនាថ នរោត្តម សីហមុនី ព្រះមហាក្សត្រកម្ពុជានឹង យាងបំពេញទស្សនកិច្ចជា ផ្លូវរដ្ឋនៅប្រទេសម៉ាឡេស៊ី កាលពីថ្ងៃទី២៧ ដល់ថ្ងៃទី២៩ ខែមិនាឆ្នាំ២០០៦។នៅក្នុងអំឡុង ពេលទស្សនកិច្ចនេះ ព្រះករុណាព្រះបាទ សម្តេចព្រះ បរមនាថនរោត្តមសីហមុនីនឹងចូលគាល់ព្រះបាទយ៉ាងឌីពើទួនអាហ្គុងទី១២ នៃប្រទេស ម៉ាឡេស៊ីនិងព្រះរាជានុញ្ញាតឱ្យលោក អាប់ឌុលឡាស អាម៉ាដ បាដាវី នាយករដ្ឋមន្ត្រី ម៉ាឡេស៊ីចូលក្រាបបង្គំគាល់ផងដែរ ។
សេចក្តីប្រកាសពត៍មានដដែលបានឪ្យដឹងទៀតថា តាមការអញ្ជើញរបស់លោកណា ថាន់ប្រធានាធិបតីនៃសាធារណរដ្ឋសិង្ហបុរី ព្រះករុណាព្រះបាទ សម្តេចព្រះបរមនាថ នរោត្តមសីហមុនីព្រះមហាក្សត្រកម្ពុជា នឹងយាងទៅបំពេញព្រះរាជទស្សនកិច្ចជាផ្លូវ រដ្ឋនៅសាធារណរដ្ឋសិង្ហបុរី ពីថ្ងៃទី២៩ដល់ទី៣១ ខែមិនា ឆ្នាំ២០០៦ ។ នៅក្នុងអំឡុង ពេលទស្សនកិច្ចនេះព្រះករុណា ព្រះបាទសម្តេចព្រះបរមនាថនរោត្តម សីហមុនីនឹង ជួបសវនាការជាមួយលោកណាថាន់ ប្រធានាធិបតីនៃសាធារណរដ្ឋសិង្ហបុរី និងព្រះ រាជានុញ្ញាតឪ្យលោកលីសៀនលុង នាយករដ្ឋមន្ត្រីនៃសាធារណរដ្ឋសិង្ហបុរី និងលោក អាប់ឌុលឡាស់តាមូជីប្រធានរដ្ឋសភានៃសាធារណរដ្ឋសិង្ហបុរីចូលក្រាបបង្គំគាល់ ។
គួររំលឹកថា នេះជាព្រះរាជទស្សនកិច្ចជាលើកទី២ របស់ព្រះមហាក្សត្រកម្ពុជាទៅកាន់ ប្រទេសជាសមាជិកអាស៊ានបន្ទាប់ពីព្រះអង្គយាងទៅកាន់ប្រទេសឡាវ និងប្រទេស វៀតណាមពីថ្ងៃទី១៤ដល់ថ្ងៃទី១៦ ខែមិនា ឆ្នាំ២០០៦ កន្លងទៅ ។ ក្នុងដំណើរព្រះរាជ ទស្សនកិច្ចជាលើកទី២នេះ ព្រះមហាក្សត្រនឹងយាងព្រះរាជមាតុភូមិនិវត្តន៏មកកាន់ ប្រទេសវិញនៅថ្ងៃទី៣១ខែមិនាឆ្នាំ២០០៦ ។
(ប្រភពៈ កាសែតកោះសន្តិភាព)
មតិយោបល់សូមចុច Comment
2 comments ខែ មីនា 29, 2006
សុផានីតាចេញពី KH ហើយ
កញ្ញាសុផា នីតា គឺជាអ្នកចម្រៀងថ្មីសម្បុរស្រអែមស្រស់ដែលចេញច្រៀងដំណាលគ្នា
ជាមួយកញ្ញាសុខពីសីនិងកញ្ញាសុខស្រីនាង នៅក្នុងផលិតកម្ម KH Promotion
ដែរ ។ហើយប្រិយមិត្តពិតជាបានស្គាល់និងស្តាប់រួចមកហើយជាមួយនឹងទឹកដមសម្លេង
ដ៏ពីរោះរណ្តំ និងការសម្តែងទាំងនៅក្នុង ចម្រៀងខារ៉ាអូខេ និងនៅក្នុងកម្មវិធីប្រគុំតន្ត្រី តាមស្ថានីយ៏ទូរទស្សន៏នានា។
កញ្ញា សុផា នីតា នាងក៏ធ្លាប់បានប្រាប់រួចម្តងមកហើយថា សំរាប់អាជីពជាអ្នក
ចម្រៀងរបស់នាងនាងនឹងខំប្រឹងឪ្យអស់ពីសមត្ថភាពមិនឪ្យទស្សនិកជនដែលគាំទ្រ
រូបនាងខកចិត្តឡើយហើយនឹងប្រឹងឪ្យបានល្បីក្នុងអាជីពជាអ្នកចម្រៀង។តែថ្មីៗ
នេះលឺថានាងបានចេញពីផលិតកម្ម KH Promotion ហើយ ។ មិនដឹងជាមក
ពីមូលហេតុអ្វីទេ?
នៅពេលដែលបានលឺថា នាងចេញពីផលិតកម្ម KH Promotion អ្នកយកពត៍មាន មានការចាប់អារម្មណ៏ក៏ដូចជាដើម្បីប្រាប់ឪ្យប្រិយមិត្តដែលស្រឡាញ់វិស័យសិល្បៈ និងគាំទ្ររួបនាងបានអស់មន្ទិល បានសាកសួររូបនាងតាមទូរស័ព្ទ ក៏ដូចជាជួបនាង ផ្ទាល់ដែរ។កញ្ញសុផានីតាក៏បានឆ្លើយប្រាប់ដោយ ឥតមានលាក់អ្វីទេ ថានាងពិតជា បានចេញពីផលិតកម្មខេ.អេចហើយ ហើយនាងកំពុងតែច្រៀងឱ្យផលិតកម្ម U2 ទៀតផងតែបទចម្រៀងរបស់នាងមិនទាន់ចេញនៅឡើយទេ ។
អ្នកយកពត៍មានបានសួរបញ្ជាក់ថា ការចេញពីផលិតកម្ម KH នេះបណ្តាលមកពីមាន បញ្ហាអ្វីនៅក្រុមហ៊ុនឬកិច្ចសន្យារបស់នាងនៅផលិតកម្ម KH បានចប់ហើយ? នាងបានប្រាប់ថាការដែលនាងចេញមកនេះមិនមែនមានបញ្ហាអ្វី ជាមួយក្រុមហ៊ុន នោះទេហើយកិច្ចសន្យារបស់នាងជាមួយផលិតកម្ម KH ក៏មិនទាន់ចប់ដែរ តែនាង អះអាងថាដោយសារតែផលិតកម្មមិនមានបទចម្រៀងឱ្យនាងច្រៀង ។
ចំពោះរឿងនេះដែរ អ្នកយកពត៍មានបានទាក់ទងសាកសួរបុគ្គលិកគ្រប់គ្រងផលិត កម្មខេ.អេចប៉្រូម៉ូស្ហិនដែរមិនមានការអធិប្បាយអ្វីឡើយ ពីព្រោះលោក គឹម ហេង ដែលជាម្ចាស់ផលិតកម្មផ្ទាល់បាននិយាយថាវាជារឿងផ្ទៃក្មុងរបស់ក្រុមហ៊ុនហើយ លោកក៏មិនធ្វើការឆ្លើយតបតាមទូរស័ព្ទដែរ។ ចំពោះលោក គឹម អេង លោកបានប្រាប់ ថាលោកមិនដឹងរឿងអ្វីទេព្រោះវាជារឿងផ្ទៃក្មុងរបស់ក្រុមហ៊ុន ។
គួរបញ្ជាក់ថា កញ្ញាសុផា នីតា ទើបតែចាប់ផ្តើមច្រៀងនៅឆ្នាំ២០០៤ទេដោយមានការ ហៅឱ្យចូលច្រៀងនៅក្នុងផលិតកម្ម KH ហើយមុននឹងការចូលច្រៀងនោះនាងក៏បាន ទៅហាត់រៀនជាមួយលោកគ្រូ អ៊ី អ៊ួន ដែលជាអតីតសិល្បករជើងចាស់មួយរួប ។ នៅក្នុងការច្រៀងឱ្យផលិតកម្មខេ.អេចប៉្រូម៉ូស្ហិននាងមានបទចម្រៀងល្បីៗជាច្រើន ដូចជាបទ"ភ្លេងលេងយើងរាំ" ជាបទដំបូងរបស់នាង និងបទក្រោយៗមកទៀតដូចជា បទ"ងារជាប្រពន្ធ"បទ"ឆ្្អឹងទទឹងក" និងបទ "ចៀសស្នេហ៏" ជាដើម ។ ចំពោះការទៅ ច្រៀងនៅយូធូនេះក៏មានការអញ្ចើញពីម្ចាស់ផលិតកម្មដែរ។ កញ្ញាសុផា នីតាបាន ប្រាប់ថាទោះបីជាមានការផ្លាស់ប្តូរផលិតកម្មក៏ដោយនាងសន្យាថានាងខំប្រឹងឱ្យអស់ ពីសមត្ថភាពបន្ថែមទៀតដើម្បីឱ្យម្ចាស់ផលិតកម្ម ក៏ដូចជាអ្នកគាំទ្រនាងពេញចិត្ត ។
(ប្រភពៈ everyday)
មតិយោបល់សូមចុច Comment
Add comment ខែ មីនា 27, 2006
ក្រុមប្រឆាំងនៅថៃពិចារណាសំណើររបស់ លោកថាក់ស៊ីន
បញ្ចួលពួកគេទៅក្នុងរដ្ឋាភិបាលចម្រុះថ្មីនៅទីក្រុងបាងកកប្រទេសថៃក្រុមអ្នកប្រឆាំង នឹងលោកនាយករដ្ឋមន្ត្រីថាក់ស៊ីនស៊ីណាវ៉ាត្រាកំពុងតែធ្វើការពិចារណាចំពោះសំណើរ របស់លោកថាក់ស៊ីនដែលនឹងបើសិនជាលោកឈ្នះ ក្នុងការបោះឆ្នោតសាកលនៅ
សប្តាហ៏ក្រោយនេះ។
គួរបញ្ជាក់ថា ការអំពាវនាវឪ្យលោក ថាក់ ស៊ីនចុះចេញពីមុខតំណែងបានមានការកើន ឡើងៗកាលពី២,៣សប្តាហ៏មុនដែលទោះបី ជាចំនួនរបស់ពួកគេបានកើនឡើងរហូត ទៅដល់១០០,០០០នាក់ក៏ដោយក៏ការដើរក្បួនរបស់ពួកគេនៅតែប្រព្រឹត្តទៅដោយ សន្តិវិធី។ប៉ុន្តែអ្វីដែលគួរឪ្យភ្ញាក់ផ្អើលកាលពីយប់ថ្ងៃអាទិត្យកន្លងទៅនេះលោកថាក់ស៊ីន បានចេញមុខធ្វើការសម្របសម្រួលជាមួយក្រុមប្រឆាំង ដោយនិយាយថាលោកនឹងផ្តល់ តំណែងដល់ពួកគេនៅក្នុងរដា្ឋភិបាលថ្មី បើសិនជាលោកឈ្នះនៅក្នុងការបោះឆ្នោត លើកនេះ។
លោកថាក់ស៊ីន បានថ្លែងទៅកាន់ក្រុមអ្នកគាំទ្រលោកនៅជាយក្រុងបាងកកថាលោក មានគំរោងនឹងបង្កើតរដ្ឋាភិបាលមួយបន្ទាប់ពីការបោះឆ្នោតហើយ លោករីករាយ នឹង ផ្តល់តំណែងគណៈរដ្ឋមន្ត្រីមួយចំនួនដល់គណបក្សប្រជាធិបតេយ្យ និង គណបក្ស ឆាតថៃនៅក្នុងរដ្ឋាភិបាលរបស់លោកដែល ជាផ្នែកមួយនៃកិច្ចខិតខំប្រឹង ប្រែងដើម្បី ចាប់ដៃគ្នានិងសហការគ្នាដើម្បីធ្វើការកែទម្រង់នយោបាយ ។
លោកថាក់ស៊ីន បាននិយាយទៀតថា លោកសុនធី និងលោកចាំឡុងក៏អាច នឹង ទទួលតំណែងជារដ្ឋមន្ត្រីផងដែរនៅក្នុង រដ្ឋាភិបាលដែលនៅធ្វើការបោះឆ្នោតនេះ។ លោកសុនធីលឹមថុងគុលគឺជាអ្នករិះគន់យ៉ាងខ្លាំងក្លា ប្រឆាំងនឹងលោក ថាក់ ស៊ីន
រួមជាមួយលោកចាំឡុងស្រ៊ីមួងផងដែរ ដែលជាអតីតអភិបាលក្រុងបាងកក ។
ក្រុម មេដឹកនាំនៃគណបក្សប្រឆាំងបាននិយាយថាពួកគេ និងជួបពិភាក្សាពីការផ្តល់ឪ្យ នៅថ្ងៃច័ន្ទនេះ ។
ការដើរក្បួនប្រឆាំងកាលពី ថ្ងៃអាទិត្យម្សិលម៉ិញទៅ កាន់ផ្សារលក់ដូរពីរកន្លែងនៅទី ក្រុងបាងកកបានទទួលបានការចូលរួម ពីមនុស្សទូទៅរហូតដល់ទៅ ១០០,០០០នាក់
ដែលធ្វើឪ្យចរាចរត្រូវកកស្ទះហើយទីផ្សារមួយកន្លែងត្រូវបានបិទ។ អ្នកឈរក្បែរតាម ដងផ្លូវមួយចំនួនបានស្រែកគាំទ្រប៉ុន្តែអ្នកខ្លះ ទៀតមិនមានការយល់ស្របទេ ។ ស្ត្រី ម្នាក់ដែលនៅទីនោះបាននិយាយថា ការដើរក្បួននេះបានធ្វើឪ្យមានការយល់ច្រឡំដល់ សាធារណៈនិងធ្វើឪ្យមានភាពអាប់អួរ។ តែមានអ្នកផ្សេងទៀត និយាយថាការដើរក្បួន នេះនឹងជួយឪ្យប្រជាជនថៃលំដាប់កណ្តាលបានយល់ពីវិបត្តិនយោបាយបច្ចុប្បន្ន។
ក្រុមទីប្រឹក្សាជាន់ខ្ពស់របស់ព្រះមហាក្សត្រ បានធ្វើការអំពាវនាវជាសាធារណៈ ឪ្យមាន ភាពស្ងប់ស្ងៀមនិងធ្វើការចរចារគ្នាប៉ុន្តែព្រះបរមរាជវាំង បានរក្សាគំលាតរបស់ខ្លួនពី រឿងនយោបាយដូចការដែលបានចែងនៅក្នុងច្បាប់រដ្ឋធម្មនុញ្ញ មិនឪ្យព្រះមហាក្សត្រ ជាប់ពាក់ព័ន្ធជាមួយនយោបាយ។តែទោះជាយ៉ាងណាព្រះមហាក្សត្រក៏ធ្លាប់បានចូល ដោះស្រាយវិបត្តិនៅក្នុងប្រទេសកាលពីអតីតកាលកន្លងទៅដែរ ជាពិសេសកាលពីឆ្នាំ ១៩៩២កន្លងទៅ ។
(ប្រភពៈ everyday)
មតិយោបល់សូមចុច Comment
Add comment ខែ មីនា 27, 2006
ហេតុអ្វីបានជាផ្តាសាយបក្សីមិនទាន់អាចឆ្លងពី មនុស្សទៅមនុស្សបាន
ក្រុមអ្នកវិទ្យាសាស្ត្រជឿថា ពួកគេអាចរកឃើញពីមូលហេតុថា ហេតុអ្វីបានជាវីរុស H5N1នៃជំងឺគ្រុនផ្តសាយបក្សីមិនអាចធ្លងពីមនុស្សទៅ មនុស្សបានឡើយ ។ វីរុស នៃជំងឺគ្រុនផ្តាសាយបក្សីនេះវាហាក់ដូចជារាតត្បាត ទៅលើមនុស្សដែលផ្លូវដង្ហើមរាក់ ហេតុដូច្នេះហើយបានជាមនុស្សអាចគេចផុតពីឆ្លងតាមរយៈការក្អក និងកណ្តាស ។
ក្រុមអ្នកស្រាវជ្រាវបានរកឃើញថា វីរុសនៃជំងឺគ្រុនផា្តសាយបក្សី គឺវារាតត្បាតដោយ ចូលទៅជ្រៅនៅក្នុងផ្លូវដង្ហើមរបស់មនុស្សយើង។ ក្រុមអ្នកស្រាវជ្រាវមកពីសកល វិទ្យាល័យវីសខុនស៊ីនបានធ្វើការស្រាវជ្រាវទៅលើមូលហេតុដែលវីរុសនេះមិនអាចឆ្លង ពីមនុស្សទៅមនុស្សបានដោយងាយបើទោះបីជា ការពិតវាអាចធ្វើការរាតត្បាតយ៉ាង
ខ្លាំងក្លានៅក្នុងសួតរបស់មនុស្សក៏ដោយ ។
វីរុសនៃជំងឺគ្រុនផ្តាសាយបក្សីដែលរាតត្បាតលើមនុស្ស និងបក្សីគឺត្រូវបានគេរកឃើញ ថាមានរូបភាពប្លែកគ្នាបន្តិចនៅលើម៉ូលេគុលដូចគ្នា តាមរូបភាពដែលចាប់បាននៅលើ ផ្ទៃកោសិកាផ្លូវដកដង្ហើមដែលគេបានធ្វើការតាមដាន។ បើតាមការស្រាវជ្រាវថ្មីៗនេះ ទម្រង់ម៉ូលេគុលដែលត្រូវបានវាយប្រហារដោយវីរុស ជំងឺគ្រុនផ្តាសាយមនុស្សយើងគឺ ខុសពីវីរុសនៃជំងឺគ្រុនផ្តាសាយបក្សីដែលវាចូលជ្រៅ ទៅក្នុងសួត ជាហេតុធ្វើឪ្យវាមិន
អាចឆ្លងតាមរយៈការក្អកឬកណ្តាសឡើយ។ចំពោះអ្នកដែលរងគ្រោះ ដោយសារជំងឺ
គ្រុនផ្តាសាយបក្សីនេះបណ្តាលមកពីមានប្រព័ន្ធដង្ហើម រាកដែលភាគច្រើនជាក្មេង ។
គួរបញ្ចាក់ថានៅពេលនេះ ជំងឺផ្តាសាយបក្សីបាន និងកំពុងតែរាតត្បាត និងរីករាល ដាលពាសពេញពិភពលោកហើយចាប់តាំងពីឆ្នាំ២០០៣ មកមានមនុស្សជាង១០០ នាក់ហើយបានស្លាប់។ពិភពលោកកំពុងតែមានការព្រួយបារម្ភ នៅពេលដែលវីរុសនៃ ជំងឺនេះអាចវិវត្តឬបំលែងខ្លួនឆ្លងពីមនុស្សទៅមនុស្សបាន ដែលគេព្យាករណ៏ថានឹង មានមនុស្សរាប់លាននាក់ស្លាប់បើសិនជាវាអាចធ្លងបែបនេះបានមែន ។
(ប្រភពៈ ប៊ីប៊ីសី)
មតិយោបល់សូមចុច Comment
Add comment ខែ មីនា 25, 2006
បាពួនឧទ្ទិសថ្វាយព្រហ្មញ្ញសាសនា
ប្រាសាទបាពួន ជាប្រភេទប្រាសាទភ្នំ ដែលបុព្វបុរសយើងកសាងឡើងដើម្បីឧទិ្ទស
ថ្វាយចំពោះលិទ្ធិព្រហ្មញ្ញសាសនាក្នុងរជ្ជកាលព្រះបាទ ឧទាយទិត្យវរ្ម័នទី២គ.ស ១០៦០នាសម័យមហានគរ។ប្រាសាទភ្នំនេះមានរាង ដូចសាជីមានប្រាំថ្នាក់សំណង់ធ្វើ ពីថ្មភក់ថ្មបាយក្រៀមនិងឈើមានគោបុរៈនៅទាំងបួនទិស ព្រមទាំងមានរូបចម្លាក់ក្បាច់
រចនាល្អធើតទាក់ទងទៅនឹងរឿងរាមកេរ្តខ្មែរនិងមានក្បាច់ចម្លាក់ផ្សេងៗ ទៀតទាក់ទង
ទៅនឹងល្បែងកីឡានិងរូបព្រះពុទ្ធចូលព្រះនិពា្វនដែលគេទើបកសាងនាសម័យលង្វែក។
តាមរយៈទ្រង់ទ្រាយប្រាសាទភ្នំនេះធ្វើអោយមានទស្សនៈខ្លះអះអាងថាប្រាសាទបាពូន
តំណាងឪ្យភ្នំព្រះសុមេរុនិងខ្លះទៀតអះអាងថា ជាទីកន្លែង សំរាប់លាក់បំបាំងកាយ
មនុស្សក្នុងគ្រោះអាសន្នព្រោះក្នុងបរិវេណប្រាសាទហាក់ដូចមានរូងសម្ងាត់ និងកន្លែង ជាច្រើនដើម្បីគេចខ្លួនពីការតាមព្យាបាទរបស់សត្រូវ។
ប្រាសាទបាពូនស្ថិត នៅក្នុងភូមិសាស្ត្រខេត្តសៀមរាប ក្បែរព្រលានជល់ដំរីត្រូវបាន ព្រះបាទឧទាយទិត្យវរ្ម័នទី២កសាងក្នុងអំឡុងឆ្នាំ១០៦០ ស្ថិតនៅលើកំពូលភ្នំយ៉ាង ខ្ពស់ដែលអ្នកនិយមសាសនាព្រហ្មញ្ញថា"តំណាងឪ្យភ្នំព្រះសុមេរុ" ដែលមានកំពែង ព័ទ្ធជុំវិញមានបណ្តោយ៤២៥ម៉ែត្រនិងទទឹង១២៥ម៉ែត្រ ហើយបែមុខមកទិសខាងកើត
មានស្ពានប្រវែង២០០ម៉ែត្រដែលសសរមូល៣ជួរសម្រាប់ទ្រផងដែរ។ ប្រសាទនេះកាល
ពីកសាងរួចមាននាមថា"ស្រីភូវនចូនាមណី" ប៉ុន្តែក្រោយមកទៀតគេបានប្តូរឈ្មោះ
អោយកាន់តែខ្លីជាងមុនគឺ "ភូវនរឺភូន" វិញដែលមានន័យថា អ្នកមានអំណាចខ្លាំងក្លា ឧត្តុង្គឧត្តមហើយគ្រប់គ្រងលើឋានទាំងបី (ឋានក្រោមឋានកណ្តាលនិងឋានលើ)។ ប៉ុន្តែនៅសម័យក្រោយមកមិនដឹងក្នុងអំឡុងឆ្នាំណាពិតប្រាកដនោះទេ ប្រាសាទនេះ ត្រូវគេបានហៅថា"ប្រាសាទបាពួន"វិញដែលមានន័យថា ការលាក់បំបាំងកាយពូនសម្ងំ ពីការតាមព្យាបាទរបស់សត្រូវទាំងពូងហើយឈ្មោះនេះ ត្រូវបានអ្នកស្រុកនិយមហៅត ៗគ្នាជារៀងរហូតមកទោះបីប្រាសាទចាកពីន័យដើមទាំង ស្រុងក្តី ។
បើយើងមើលពីទ្រង់ទ្រាយរបស់ប្រាសាទ វាហាក់ដូចជាមានភាពស្មុគស្មាញដោយកន្លែង
មានអាថ៍កំបាំងសម្រាប់រត់គេចពីសត្រូវ ពេលមានគ្រោះអាសន្នកើតឡើងម្តងៗមិនថា
មនុស្សប្រភេទណាឡើយ។ម៉្យាងទៀតនៅក្បែរប្រាសាទនេះមានទីលានជល់ដំរី និងមាន
ការប្រកួតកីឡាផ្សេងៗ ហើយការប្រកួតសម័យនោះ សត្រូវរកមិនឃើញទេអោយឈ្មោះ
ថាប្រសាទបាពួនវិញក៏មិនដឹង ។
(ប្រភពៈ everyday)
មតិយោបល់សូមចុច Comment
Add comment ខែ មីនា 24, 2006
ជម្រាបសួរបងប្អូនទាំងអស់គ្នា!
