អ្នកឈ្នះឆ្នោតនៅអ៊ីស្រាអែលរៀបចំកម្មវិធីនយោបាយ

លោកនាយករដ្ឋមន្ត្រីបណ្តោះអាសន្ននៃប្រទេសអ៊ីស្រាអែល និងជាអ្នកដឹកនាំគណបក្ស និយមកណ្តាលគណបក្សកាឌីម៉ាលោកអេហ៊ូដអួលម៉ឺតបាន ប្រកាសពីជោគជ័យរបស់ ខ្លួនបាននិយាយថាដល់ពេលដែលយើងត្រូវបាន បើកទំព័រសំរាប់ប្រទេសអ៊ីស្រាអែល ហើយ។លោកអេហ៊ូដអួលម៉ឺតបានឡើងធ្វើជានាយករដ្ឋមន្ត្រីបណ្តោះអាសន្ននិងដឹកនាំ គណបក្សកាឌីម៉ាដែលជាតំណែងរបស់លោកអារីយែលសារ៉ូននេះ គឺដោយសារតែ លោកសារ៉ូនបានធ្លាក់ខ្លួនឈឺសំរាកនៅមន្ទីរពេទ្យសន្លប់មិនដឹងខ្លួនដោយដាច់សរសៃ ឈាមក្នុងខួរក្បាលតាំងពីខែមករាមកម្លេះ ។

រហូតមកដល់ពេលនេះ សន្លឹកឆ្នោតបានរាប់បាន៧៥%ហើយ ដែលគណបក្សកាឌីម៉ា របស់លោកអេហ៊ួដអួលម៉ឺត បាននាំមុខគេដោយសំឡេងគាំទ្រ ២៨កៅអី ក្នុងចំណោម ១២០កៅអីហើយនៅក្នុងសភា ។ នៅក្នុងការផ្លែងទៅកាន់សមាជិកបក្សកាឌីម៉ារបស់ លោកលោកបានឡើងពីគំរោងដើម្បីបំពេញតាមការសន្យាក្នុងពេលបោះឆ្នោតដោយ ត្រូវបង្កើតនូវព្រំដែនអចិន្ត្រៃយ៏មួយសំរាប់ប្រទេសអ៊ីស្រាអែលត្រឹមឆ្នាំ២០១០ ។

លោកបាននិយាយថា លោកបានត្រៀមខ្លួនដើម្បីធ្វើការចរចា ដោយសន្តិវិធីជាមួយ ភាគីប៉ាឡេស្ទីនប៉ុន្តែនឹងធ្វើជាឯកតោភាគីបើសិនជាចាំបាច់ ។ ដោយឈរនៅពីមុខរូប របស់លោកនាយករដ្ឋមន្ត្រីអារីយែល សារ៉ូន លោកអួលម៉ឺត បានសំដែងនូវការគោរព ដោយស្មោះស្ម័គ្រមុនពេលដែលលោកលើកឡើងពីគំរោងសំរាប់រយៈពេល៤ឆ្នាំដែល លោកនឹងកាន់អំណាច។តាមគំរោងរបស់លោក អួល ម៉ឺត ពីមុនមក គឺត្រួវជម្លៀសជំរុំ ជនជ្វិហ្វតូចៗនៅតំបន់វែស្តប៊ែងមួយចំនួន តែត្រួវបញ្ចូលទៅក្នុងជំរុំធំៗវិញ ។

លោកបាននិយាយថា នៅក្នុងរយៈពេលដែលនឹងមកដល់នៅពេលខាងមុខ យើងនឹង បោះជំហានទៅរកការកំណត់​ព្រំដែនចុងក្រោយ របស់ប្រទេសអ៊ីស្រាអែល ដែលជា ប្រទេសមួយរបស់ជនជាតិជ្វិហ្វ។ លោកនឹងព្យាយាមដើម្បីទទួលបាននូវការព្រម ព្រៀងពីភាគីប៉ាឡេស្ទីនចំពោះបញ្ហានេះ។ លោកបានប្រាប់ដល់ថ្នាក់ដឹកនាំប៉ាឡេស្ទីន ថាអ៊ីស្រាអែលបានត្រៀមខ្លួនរួចជាស្រេចដើម្បី ធ្វើការសម្របសម្រួលដើម្បីលះបង់នូវ ទឹកដីខ្លះដែលជាទីស្រលាញ់របស់អ៊ីស្រាអែល ហើយត្រូវធ្វើការជម្លៀសចេញនូវជន ជាតិជ្វិហ្វទាំងការឈឺចាប់ ដើម្បីបង្កើតនូវលក្ខខ័ណ្ឌមួយដែលអាចបំពេញតាមបំណង របស់ប៉ាឡេស្ទីន។

លោកអួលម៉ឺត បាននិយាយទៀតថា ដល់ពេលដែលប្រទេសប៉ាឡេស្ទីនធ្វើទំនាក់ទំនង ជាមួយប្រទេសអ៊ីស្រាអែលហើយ ដើម្បីទទួលយកតែផ្នែកខ្លះនៃបំណងប្រាថ្នារបស់ពួក គេដើម្បីបញ្ឈប់នូវអំពើភេវរកម្ម និងទទួលយកលទ្ធិ​ប្រជាធិបតេយ្យ និងការសម្រប សម្រួលដោយសន្តិវិធីជាមួយអ៊ីស្រាអែល ។

ការបោះឆ្នោតលើកនេះ មានអ្នកបោះឆ្នោតចំនួន ៦២,៣% ដែលជាចំនួនដ៏ទាបបំផុត នៅក្នុងប្រវត្តិសាស្ត្ររបស់អ៊ីស្រាអែលបើប្រៀបធៀប នឹងការបោះឆ្នោតពីមុនៗមក។ តាមលទ្ធផលនៃការរាប់សន្លឹកឆ្នោតបាន ៧៥% នៅពេលនេះ គណបក្សកាឌីម៉ាបាន សំឡេង២៨កៅអីខណៈដែលគណបក្សពលករ បានសំឡេងគាំទ្រលំដាប់ទី២ គឺចំនួន ២០កៅអី។ចំណែកឯគណបក្សលីគុដ ដែលជាគណបក្សអតីតនាយករដ្ឋមន្ត្រីអារី យែលសារ៉ូនទើបតែបំបែកខ្លួនចេញមកបានសំឡេងត្រឹមតែ ១២កៅអីប៉ុណ្ណោះ ។

(ប្រភពៈ everyday)

មតិយោបល់សូមចុច Comment 

ព្រះមហាក្សត្រយាងធ្វើព្រះរាជទស្សនកិច្ចទៅកាន់ ម៉ាឡេស៊ី និង សិង្ហបុរី

រាជធានីភ្នំពេញៈ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាបានស្តេចយាងចេញ ប្រទេសកម្ពុជានៅព្រឹក ថ្ងៃច័ន្ទទី២៧ខែមិនឆ្នាំ២០០៦ ក្នុងព្រះរាជដំណើរទស្សនកិច្ច ផ្លូវរដ្ឋនៅប្រទេសម៉ាឡេស៊ី និងសិង្ហបុរីតាមការយាងរបស់ព្រះមហាក្សត្រ នៃប្រទេសម៉ាឡេស៊ីនិងប្រធានាធិបតី នៃសាធារណរដ្ឋសិង្ហបុរី។តាមគំរោងព្រះមហាក្សត្រកម្ពុជា នឹងយាងទៅបំពេញព្រះរាជ កិច្ចជាផ្លូវរដ្ឋនៅប្រទេសម៉ាឡេស៊ី ពីថ្ខៃទី២៧ ខែមិនាដល់ថ្ងៃទី២៩ ឆ្នាំ២០០៦ និងនៅ សាធារណរដ្ឋបុរីពីថ្ងៃទី២៩ ដល់ថ្ងៃ៣១ ខែមិនា ២០០៦ លោកហោ ណាំហុងឧបនា យករដ្ឋមន្ត្រីរដ្ឋមន្ត្រីក្រសួងការបរទេសបានមានប្រសាសន៏ ប្រាប់ក្រុមអ្នកកាសែតនៅ ឯប្រលានយន្តហោះអន្តរជាតិភ្នំពេញថា ក្នុងដំណើរព្រះរាជ ទស្សនកិច្ចរបស់ ព្រះម ហាក្សត្រទៅកាន់ប្រទេសម៉ាឡេស៊ី និងសាធារណរដ្ឋសិង្ហបុរីនេះ គឺដើម្បីពង្រឹងពង្រីក ទំនាក់ទំនងរវាងប្រទេសជិតខាង បន្ទាប់ពីព្រះអង្គបានឡើងគ្រងរាជ្យ ។ អញ្ជើញជូន ព្រះរាជដំណើរយាងចេញពីប្រទេសកម្ពុជា គេសង្កេតឃើញមន្ត្រីជាន់ខ្ពស់ជាច្រើនរូប ដូចជាសម្តេចជាស៊ីមប្រធានព្រឹទ្ធសភាជាតិ សម្តេចហេង សំរិន ប្រធានរដ្ឋសភាជាតិ លោកហោណាំហុងឧបនាយករដ្ឋមន្ត្រី រដ្ឋមន្ត្រីក្រសួងការបរទេស មន្ត្រីអ្នកមុខអ្នកការ នានាព្រមទាំងឯកអគ្គរដ្ឋទូត ឯកអគ្គរាជទូតប្រចាំនៅព្រះរាជាណាចក្រកម្ពុជាជាច្រើន រូបទៀត។

យោងតាមសេចក្តីប្រកាសពត៍មានរបស់ ក្រសួងការបរទេស និងសហប្រតិបត្តិការ អន្តរជាតិបានឱ្យដឹងថាតាមការអញ្ជើញរបស់ព្រះបាទសេរី ប៉ាឌួកា បាហ្គីងដា យ៉ាងឌី ពើទួនអាហ្គុងទាន់គូស៊ីយ៉េដ ស៊ីរ៉ាយូដឌីន ពូត្រា យ៉ាម៉ាលុឡៃ ព្រះមហាក្សត្រម៉ាឡេស៊ី ព្រះកុរណាព្រះបាទសម្តេច ព្រះវរមនាថ នរោត្តម សីហមុនី ព្រះមហាក្សត្រកម្ពុជានឹង យាងបំពេញទស្សនកិច្ចជា ផ្លូវរដ្ឋនៅប្រទេសម៉ាឡេស៊ី កាលពីថ្ងៃទី២៧ ដល់ថ្ងៃទី២៩ ខែមិនាឆ្នាំ២០០៦។នៅក្នុងអំឡុង ពេលទស្សនកិច្ចនេះ ព្រះករុណាព្រះបាទ សម្តេចព្រះ បរមនាថនរោត្តមសីហមុនីនឹងចូលគាល់ព្រះបាទយ៉ាងឌីពើទួនអាហ្គុងទី១២ នៃប្រទេស ម៉ាឡេស៊ីនិងព្រះរាជានុញ្ញាតឱ្យលោក អាប់ឌុលឡាស អាម៉ាដ បាដាវី នាយករដ្ឋមន្ត្រី ម៉ាឡេស៊ីចូលក្រាបបង្គំគាល់ផងដែរ​ ។

សេចក្តីប្រកាសពត៍មានដដែលបានឪ្យដឹងទៀតថា តាមការអញ្ជើញរបស់លោកណា ថាន់ប្រធានាធិបតីនៃសាធារណរដ្ឋសិង្ហបុរី ព្រះករុណាព្រះបាទ សម្តេចព្រះបរមនាថ នរោត្តមសីហមុនីព្រះមហាក្សត្រកម្ពុជា នឹងយាងទៅបំពេញព្រះរាជទស្សនកិច្ចជាផ្លូវ រដ្ឋនៅសាធារណរដ្ឋសិង្ហបុរី ពីថ្ងៃទី២៩ដល់ទី៣១ ខែមិនា ឆ្នាំ២០០៦ ។ នៅក្នុងអំឡុង ពេលទស្សនកិច្ចនេះព្រះករុណា ព្រះបាទសម្តេចព្រះបរមនាថនរោត្តម សីហមុនីនឹង ជួបសវនាការជាមួយលោកណាថាន់ ប្រធានាធិបតីនៃសាធារណរដ្ឋសិង្ហបុរី និងព្រះ រាជានុញ្ញាតឪ្យលោកលីសៀនលុង នាយករដ្ឋមន្ត្រីនៃសាធារណរដ្ឋសិង្ហបុរី និងលោក អាប់ឌុលឡាស់តាមូជីប្រធានរដ្ឋសភានៃសាធារណរដ្ឋសិង្ហបុរីចូលក្រាបបង្គំគាល់ ។

គួររំលឹកថា នេះជាព្រះរាជទស្សនកិច្ចជាលើកទី២ របស់ព្រះមហាក្សត្រកម្ពុជាទៅកាន់ ប្រទេសជាសមាជិកអាស៊ានបន្ទាប់ពីព្រះអង្គយាងទៅកាន់ប្រទេសឡាវ និងប្រទេស វៀតណាមពីថ្ងៃទី១៤ដល់ថ្ងៃទី១៦ ខែមិនា ឆ្នាំ២០០៦ កន្លងទៅ ។ ក្នុងដំណើរព្រះរាជ ទស្សនកិច្ចជាលើកទី២នេះ ព្រះមហាក្សត្រនឹងយាងព្រះរាជមាតុភូមិនិវត្តន៏មកកាន់ ប្រទេសវិញនៅថ្ងៃទី៣១ខែមិនាឆ្នាំ២០០៦ ។

(ប្រភពៈ កាសែតកោះសន្តិភាព)

មតិយោបល់សូមចុច Comment 

សុផានីតាចេញពី KH ហើយ

កញ្ញាសុផា នីតា គឺជាអ្នកចម្រៀងថ្មីសម្បុរស្រអែមស្រស់ដែលចេញច្រៀងដំណាលគ្នា
ជាមួយកញ្ញាសុខពីសីនិងកញ្ញាសុខស្រីនាង នៅក្នុងផលិតកម្ម KH Promotion
ដែរ ។ហើយប្រិយមិត្តពិតជាបានស្គាល់និងស្តាប់រួចមកហើយជាមួយនឹងទឹកដមសម្លេង
ដ៏ពីរោះរណ្តំ និងការសម្តែងទាំងនៅក្នុង ចម្រៀងខារ៉ាអូខេ និងនៅក្នុងកម្មវិធីប្រគុំតន្ត្រី តាមស្ថានីយ៏ទូរទស្សន៏នានា។

កញ្ញា សុផា នីតា នាងក៏ធ្លាប់បានប្រាប់រួចម្តងមកហើយថា សំរាប់អាជីពជាអ្នក
ចម្រៀងរបស់នាងនាងនឹងខំប្រឹងឪ្យអស់ពីសមត្ថភាពមិនឪ្យទស្សនិកជនដែលគាំទ្រ
រូបនាងខកចិត្តឡើយហើយនឹងប្រឹងឪ្យបានល្បីក្នុងអាជីពជាអ្នកចម្រៀង។តែថ្មីៗ
នេះលឺថានាងបានចេញពីផលិតកម្ម KH Promotion ហើយ ។ មិនដឹងជាមក
ពីមូលហេតុអ្វីទេ?

នៅពេលដែលបានលឺថា នាងចេញពីផលិតកម្ម KH Promotion អ្នកយកពត៍មាន មានការចាប់អារម្មណ៏ក៏ដូចជាដើម្បីប្រាប់ឪ្យប្រិយមិត្តដែលស្រឡាញ់វិស័យសិល្បៈ និងគាំទ្ររួបនាងបានអស់មន្ទិល បានសាកសួររូបនាងតាមទូរស័ព្ទ ក៏ដូចជាជួបនាង ផ្ទាល់ដែរ។កញ្ញសុផានីតាក៏បានឆ្លើយប្រាប់ដោយ ឥតមានលាក់អ្វីទេ ថានាងពិតជា បានចេញពីផលិតកម្មខេ.អេចហើយ ហើយនាងកំពុងតែច្រៀងឱ្យផលិតកម្ម U2 ទៀតផងតែបទចម្រៀងរបស់នាងមិនទាន់ចេញនៅឡើយទេ ។

អ្នកយកពត៍មានបានសួរបញ្ជាក់ថា ការចេញពីផលិតកម្ម KH នេះបណ្តាលមកពីមាន បញ្ហាអ្វីនៅក្រុមហ៊ុនឬកិច្ចសន្យារបស់នាងនៅផលិតកម្ម KH បានចប់ហើយ? នាងបានប្រាប់ថាការដែលនាងចេញមកនេះមិនមែនមានបញ្ហាអ្វី ជាមួយក្រុមហ៊ុន នោះទេហើយកិច្ចសន្យារបស់នាងជាមួយផលិតកម្ម KH ក៏មិនទាន់ចប់ដែរ តែនាង អះអាងថាដោយសារតែផលិតកម្មមិនមានបទចម្រៀងឱ្យនាងច្រៀង ។

ចំពោះរឿងនេះដែរ អ្នកយកពត៍មានបានទាក់ទងសាកសួរបុគ្គលិកគ្រប់គ្រងផលិត កម្មខេ.អេចប៉្រូម៉ូស្ហិនដែរមិនមានការអធិប្បាយអ្វីឡើយ ពីព្រោះលោក គឹម ហេង ដែលជាម្ចាស់ផលិតកម្មផ្ទាល់បាននិយាយថាវាជារឿងផ្ទៃក្មុងរបស់ក្រុមហ៊ុនហើយ លោកក៏មិនធ្វើការឆ្លើយតបតាមទូរស័ព្ទដែរ។ ចំពោះលោក គឹម អេង លោកបានប្រាប់ ថាលោកមិនដឹងរឿងអ្វីទេព្រោះវាជារឿងផ្ទៃក្មុងរបស់ក្រុមហ៊ុន ។

គួរបញ្ជាក់ថា កញ្ញាសុផា នីតា ទើបតែចាប់ផ្តើមច្រៀងនៅឆ្នាំ២០០៤ទេដោយមានការ ហៅឱ្យចូលច្រៀងនៅក្នុងផលិតកម្ម KH ហើយមុននឹងការចូលច្រៀងនោះនាងក៏បាន ទៅហាត់រៀនជាមួយលោកគ្រូ អ៊ី អ៊ួន ដែលជាអតីតសិល្បករជើងចាស់មួយរួប ។ នៅក្នុងការច្រៀងឱ្យផលិតកម្មខេ.អេចប៉្រូម៉ូស្ហិននាងមានបទចម្រៀងល្បីៗជាច្រើន ដូចជាបទ"ភ្លេងលេងយើងរាំ" ជាបទដំបូងរបស់នាង និងបទក្រោយៗមកទៀតដូចជា បទ"ងារជាប្រពន្ធ"បទ"ឆ្្អឹងទទឹងក" និងបទ "ចៀសស្នេហ៏" ជាដើម ។ ចំពោះការទៅ ច្រៀងនៅយូធូនេះក៏មានការអញ្ចើញពីម្ចាស់ផលិតកម្មដែរ។ កញ្ញាសុផា នីតាបាន ប្រាប់ថាទោះបីជាមានការផ្លាស់ប្តូរផលិតកម្មក៏ដោយនាងសន្យាថានាងខំប្រឹងឱ្យអស់ ពីសមត្ថភាពបន្ថែមទៀតដើម្បីឱ្យម្ចាស់ផលិតកម្ម ក៏ដូចជាអ្នកគាំទ្រនាងពេញចិត្ត ។

(ប្រភពៈ everyday)

មតិយោបល់សូមចុច Comment 

ក្រុមប្រឆាំងនៅថៃពិចារណាសំណើររបស់ លោកថាក់ស៊ីន

បញ្ចួលពួកគេទៅក្នុងរដ្ឋាភិបាលចម្រុះថ្មីនៅទីក្រុងបាងកកប្រទេសថៃក្រុមអ្នកប្រឆាំង នឹងលោកនាយករដ្ឋមន្ត្រីថាក់ស៊ីនស៊ីណាវ៉ាត្រាកំពុងតែធ្វើការពិចារណាចំពោះសំណើរ របស់លោកថាក់ស៊ីនដែលនឹងបើសិនជាលោកឈ្នះ ក្នុងការបោះឆ្នោតសាកលនៅ
សប្តាហ៏ក្រោយនេះ។

គួរបញ្ជាក់ថា ការអំពាវនាវឪ្យលោក ថាក់ ស៊ីនចុះចេញពីមុខតំណែងបានមានការកើន ឡើងៗកាលពី២,៣សប្តាហ៏មុនដែលទោះបី ជាចំនួនរបស់ពួកគេបានកើនឡើងរហូត ទៅដល់១០០,០០០នាក់ក៏ដោយក៏ការដើរក្បួនរបស់ពួកគេនៅតែប្រព្រឹត្តទៅដោយ សន្តិវិធី។ប៉ុន្តែអ្វីដែលគួរឪ្យភ្ញាក់ផ្អើលកាលពីយប់ថ្ងៃអាទិត្យកន្លងទៅនេះលោកថាក់ស៊ីន បានចេញមុខធ្វើការសម្របសម្រួលជាមួយក្រុមប្រឆាំង ដោយនិយាយថាលោកនឹងផ្តល់ តំណែងដល់ពួកគេនៅក្នុងរដា្ឋភិបាលថ្មី បើសិនជាលោកឈ្នះនៅក្នុងការបោះឆ្នោត លើកនេះ។

លោកថាក់ស៊ីន បានថ្លែងទៅកាន់ក្រុមអ្នកគាំទ្រលោកនៅជាយក្រុងបាងកកថាលោក មានគំរោងនឹងបង្កើតរដ្ឋាភិបាលមួយបន្ទាប់ពីការបោះឆ្នោតហើយ លោករីករាយ នឹង ផ្តល់តំណែងគណៈរដ្ឋមន្ត្រីមួយចំនួនដល់គណបក្សប្រជាធិបតេយ្យ និង គណបក្ស ឆាតថៃនៅក្នុងរដ្ឋាភិបាលរបស់លោកដែល ជាផ្នែកមួយនៃកិច្ចខិតខំប្រឹង ប្រែងដើម្បី ចាប់ដៃគ្នានិងសហការគ្នាដើម្បីធ្វើការកែទម្រង់នយោបាយ ។

លោកថាក់ស៊ីន បាននិយាយទៀតថា លោកសុនធី និងលោកចាំឡុងក៏អាច នឹង ទទួលតំណែងជារដ្ឋមន្ត្រីផងដែរនៅក្នុង រដ្ឋាភិបាលដែលនៅធ្វើការបោះឆ្នោតនេះ។ លោកសុនធីលឹមថុងគុលគឺជាអ្នករិះគន់យ៉ាងខ្លាំងក្លា ប្រឆាំងនឹងលោក ថាក់ ស៊ីន
រួមជាមួយលោកចាំឡុងស្រ៊ីមួងផងដែរ ដែលជាអតីតអភិបាលក្រុងបាងកក ។
ក្រុម មេដឹកនាំនៃគណបក្សប្រឆាំងបាននិយាយថាពួកគេ និងជួបពិភាក្សាពីការផ្តល់ឪ្យ នៅថ្ងៃច័ន្ទនេះ ។

ការដើរក្បួនប្រឆាំងកាលពី ថ្ងៃអាទិត្យម្សិលម៉ិញទៅ កាន់ផ្សារលក់ដូរពីរកន្លែងនៅទី ក្រុងបាងកកបានទទួលបានការចូលរួម ពីមនុស្សទូទៅរហូតដល់ទៅ ១០០,០០០នាក់
ដែលធ្វើឪ្យចរាចរត្រូវកកស្ទះហើយទីផ្សារមួយកន្លែងត្រូវបានបិទ។ អ្នកឈរក្បែរតាម ដងផ្លូវមួយចំនួនបានស្រែកគាំទ្រប៉ុន្តែអ្នកខ្លះ ទៀតមិនមានការយល់ស្របទេ ។ ស្ត្រី ម្នាក់ដែលនៅទីនោះបាននិយាយថា ការដើរក្បួននេះបានធ្វើឪ្យមានការយល់ច្រឡំដល់ សាធារណៈនិងធ្វើឪ្យមានភាពអាប់អួរ។ តែមានអ្នកផ្សេងទៀត និយាយថាការដើរក្បួន នេះនឹងជួយឪ្យប្រជាជនថៃលំដាប់កណ្តាលបានយល់ពីវិបត្តិនយោបាយបច្ចុប្បន្ន។

ក្រុមទីប្រឹក្សាជាន់ខ្ពស់របស់ព្រះមហាក្សត្រ បានធ្វើការអំពាវនាវជាសាធារណៈ ឪ្យមាន ភាពស្ងប់ស្ងៀមនិងធ្វើការចរចារគ្នាប៉ុន្តែព្រះបរមរាជវាំង បានរក្សាគំលាតរបស់ខ្លួនពី រឿងនយោបាយដូចការដែលបានចែងនៅក្នុងច្បាប់រដ្ឋធម្មនុញ្ញ មិនឪ្យព្រះមហាក្សត្រ ជាប់ពាក់ព័ន្ធជាមួយនយោបាយ។តែទោះជាយ៉ាងណាព្រះមហាក្សត្រក៏ធ្លាប់បានចូល ដោះស្រាយវិបត្តិនៅក្នុងប្រទេសកាលពីអតីតកាលកន្លងទៅដែរ ជាពិសេសកាលពីឆ្នាំ ១៩៩២កន្លងទៅ ។

(ប្រភពៈ everyday)

មតិយោបល់សូមចុច Comment

ហេតុអ្វីបានជាផ្តាសាយបក្សីមិនទាន់អាចឆ្លងពី មនុស្សទៅមនុស្សបាន

ក្រុមអ្នកវិទ្យាសាស្ត្រជឿថា ពួកគេអាចរកឃើញពីមូលហេតុថា ហេតុអ្វីបានជាវីរុស H5N1នៃជំងឺគ្រុនផ្តសាយបក្សីមិនអាចធ្លងពីមនុស្សទៅ មនុស្សបានឡើយ ។ វីរុស នៃជំងឺគ្រុនផ្តាសាយបក្សីនេះវាហាក់ដូចជារាតត្បាត ទៅលើមនុស្សដែលផ្លូវដង្ហើមរាក់ ហេតុដូច្នេះហើយបានជាមនុស្សអាចគេចផុតពីឆ្លងតាមរយៈការក្អក និងកណ្តាស ។

ក្រុមអ្នកស្រាវជ្រាវបានរកឃើញថា វីរុសនៃជំងឺគ្រុនផា្តសាយបក្សី គឺវារាតត្បាតដោយ ចូលទៅជ្រៅនៅក្នុងផ្លូវដង្ហើមរបស់មនុស្សយើង។ ក្រុមអ្នកស្រាវជ្រាវមកពីសកល វិទ្យាល័យវីសខុនស៊ីនបានធ្វើការស្រាវជ្រាវទៅលើមូលហេតុដែលវីរុសនេះមិនអាចឆ្លង ពីមនុស្សទៅមនុស្សបានដោយងាយបើទោះបីជា ការពិតវាអាចធ្វើការរាតត្បាតយ៉ាង
ខ្លាំងក្លានៅក្នុងសួតរបស់មនុស្សក៏ដោយ ។

វីរុសនៃជំងឺគ្រុនផ្តាសាយបក្សីដែលរាតត្បាតលើមនុស្ស និងបក្សីគឺត្រូវបានគេរកឃើញ ថាមានរូបភាពប្លែកគ្នាបន្តិចនៅលើម៉ូលេគុលដូចគ្នា តាមរូបភាពដែលចាប់បាននៅលើ ផ្ទៃកោសិកាផ្លូវដកដង្ហើមដែលគេបានធ្វើការតាមដាន។ បើតាមការស្រាវជ្រាវថ្មីៗនេះ ទម្រង់ម៉ូលេគុលដែលត្រូវបានវាយប្រហារដោយវីរុស ជំងឺគ្រុនផ្តាសាយមនុស្សយើងគឺ ខុសពីវីរុសនៃជំងឺគ្រុនផ្តាសាយបក្សីដែលវាចូលជ្រៅ ទៅក្នុងសួត ជាហេតុធ្វើឪ្យវាមិន
អាចឆ្លងតាមរយៈការក្អកឬកណ្តាសឡើយ។ចំពោះអ្នកដែលរងគ្រោះ ដោយសារជំងឺ
គ្រុនផ្តាសាយបក្សីនេះបណ្តាលមកពីមានប្រព័ន្ធដង្ហើម រាកដែលភាគច្រើនជាក្មេង ។

គួរបញ្ចាក់ថានៅពេលនេះ ជំងឺផ្តាសាយបក្សីបាន និងកំពុងតែរាតត្បាត និងរីករាល ដាលពាសពេញពិភពលោកហើយចាប់តាំងពីឆ្នាំ២០០៣ មកមានមនុស្សជាង១០០ នាក់ហើយបានស្លាប់។ពិភពលោកកំពុងតែមានការព្រួយបារម្ភ នៅពេលដែលវីរុសនៃ ជំងឺនេះអាចវិវត្តឬបំលែងខ្លួនឆ្លងពីមនុស្សទៅមនុស្សបាន ដែលគេព្យាករណ៏ថានឹង មានមនុស្សរាប់លាននាក់ស្លាប់បើសិនជាវាអាចធ្លងបែបនេះបានមែន ។

(ប្រភពៈ ប៊ីប៊ីសី)

មតិយោបល់សូមចុច Comment

បាពួនឧទ្ទិសថ្វាយព្រហ្មញ្ញសាសនា

ប្រាសាទបាពួន ជាប្រភេទប្រាសាទភ្នំ ដែលបុព្វបុរសយើងកសាងឡើងដើម្បីឧទិ្ទស
ថ្វាយចំពោះលិទ្ធិព្រហ្មញ្ញសាសនាក្នុងរជ្ជកាលព្រះបាទ ឧទាយទិត្យវរ្ម័នទី២គ.ស ១០៦០នាសម័យមហានគរ។ប្រាសាទភ្នំនេះមានរាង ដូចសាជីមានប្រាំថ្នាក់សំណង់ធ្វើ ពីថ្មភក់ថ្មបាយក្រៀមនិងឈើមានគោបុរៈនៅទាំងបួនទិស ព្រមទាំងមានរូបចម្លាក់ក្បាច់
រចនាល្អធើតទាក់ទងទៅនឹងរឿងរាមកេរ្តខ្មែរនិងមានក្បាច់ចម្លាក់ផ្សេងៗ ទៀតទាក់ទង
ទៅនឹងល្បែងកីឡានិងរូបព្រះពុទ្ធចូលព្រះនិពា្វនដែលគេទើបកសាងនាសម័យលង្វែក។

តាមរយៈទ្រង់ទ្រាយប្រាសាទភ្នំនេះធ្វើអោយមានទស្សនៈខ្លះអះអាងថាប្រាសាទបាពូន
តំណាងឪ្យភ្នំព្រះសុមេរុនិងខ្លះទៀតអះអាងថា ជាទីកន្លែង សំរាប់លាក់បំបាំងកាយ
មនុស្សក្នុងគ្រោះអាសន្នព្រោះក្នុងបរិវេណប្រាសាទហាក់ដូចមានរូងសម្ងាត់ និងកន្លែង ជាច្រើនដើម្បីគេចខ្លួនពីការតាមព្យាបាទរបស់សត្រូវ។

ប្រាសាទបាពូនស្ថិត នៅក្នុងភូមិសាស្ត្រខេត្តសៀមរាប ក្បែរព្រលានជល់ដំរីត្រូវបាន ព្រះបាទឧទាយទិត្យវរ្ម័នទី២កសាងក្នុងអំឡុងឆ្នាំ១០៦០ ស្ថិតនៅលើកំពូលភ្នំយ៉ាង ខ្ពស់ដែលអ្នកនិយមសាសនាព្រហ្មញ្ញថា"តំណាងឪ្យភ្នំព្រះសុមេរុ" ដែលមានកំពែង ព័ទ្ធជុំវិញមានបណ្តោយ៤២៥ម៉ែត្រនិងទទឹង១២៥ម៉ែត្រ ហើយបែមុខមកទិសខាងកើត
មានស្ពានប្រវែង២០០ម៉ែត្រដែលសសរមូល៣ជួរសម្រាប់ទ្រផងដែរ។ ប្រសាទនេះកាល
ពីកសាងរួចមាននាមថា"ស្រីភូវនចូនាមណី" ប៉ុន្តែក្រោយមកទៀតគេបានប្តូរឈ្មោះ
អោយកាន់តែខ្លីជាងមុនគឺ "ភូវនរឺភូន" វិញដែលមានន័យថា អ្នកមានអំណាចខ្លាំងក្លា ឧត្តុង្គឧត្តមហើយគ្រប់គ្រងលើឋានទាំងបី (ឋានក្រោមឋានកណ្តាលនិងឋានលើ)។ ប៉ុន្តែនៅសម័យក្រោយមកមិនដឹងក្នុងអំឡុងឆ្នាំណាពិតប្រាកដនោះទេ ប្រាសាទនេះ ត្រូវគេបានហៅថា"ប្រាសាទបាពួន"វិញដែលមានន័យថា ការលាក់បំបាំងកាយពូនសម្ងំ ពីការតាមព្យាបាទរបស់សត្រូវទាំងពូងហើយឈ្មោះនេះ ត្រូវបានអ្នកស្រុកនិយមហៅត ៗគ្នាជារៀងរហូតមកទោះបីប្រាសាទចាកពីន័យដើមទាំង ស្រុងក្តី ។

បើយើងមើលពីទ្រង់ទ្រាយរបស់ប្រាសាទ វាហាក់ដូចជាមានភាពស្មុគស្មាញដោយកន្លែង
មានអាថ៍កំបាំងសម្រាប់រត់គេចពីសត្រូវ ពេលមានគ្រោះអាសន្នកើតឡើងម្តងៗមិនថា
មនុស្សប្រភេទណាឡើយ។ម៉្យាងទៀតនៅក្បែរប្រាសាទនេះមានទីលានជល់ដំរី និងមាន
ការប្រកួតកីឡាផ្សេងៗ ហើយការប្រកួតសម័យនោះ សត្រូវរកមិនឃើញទេអោយឈ្មោះ
ថាប្រសាទបាពួនវិញក៏មិនដឹង ។

(ប្រភពៈ everyday)

មតិយោបល់សូមចុច Comment

របាំអប្សារាជារបាំព្រះរាជទ្រព្យ និងជាបតិកភណ្ឌអរូបី ពិភពលោក

ខ្មែរយើងមានសិល្បៈ និងរបាំជាច្រើនប្រភេទសម្រាប់សម្តែងនៅតាមទីកន្លែងពេលវេ លានិងតំបន់ដែលគេនិយមចូលចិត្តដើម្បីបង្ហាញប្រាប់ពីបញ្ហាអ្វីមួយដែលមានលាយ ឡំជាមួយសំនើចនិងតន្ត្រីហើយបាន បន្សល់រហូតដល់សព្វថ្ងៃ។ ក្នុងនោះគេសង្កេត ឃើញរបាំអប្សារាឬរបាំទេវតាដែលសម្តែងទៅមានសភាព ទន់ភ្លន់ អារម្មណ៏ស្ងប់ស្ងាត់
បញ្ចាក់ពីសភាពគ្មានកង្វល់ញញឹមរាក់ទាក់ហើយត្រូវបានគេ លើកយកទៅសម្តែងនៅ ក្នុងកម្មវិធីបុណ្យជាតិអន្តរជាតិទទួលបានការពេញនិយមគាំទ្រយ៉ាងខ្លាំងក្លាបំផុតទាំង ក្នុងនិងក្រៅប្រទេស។

របាំនេះគេមិនបានដឹងប្រាកដថាមានអាយុកាលតាំងពីពេលណានោះទេ ប៉ុន្តែបើតាម
ចម្លាក់នៅតាមជញ្ជាំងប្រាសាទអង្គរវត្ត និង ប្រាសាទនានាគេអះអាងថា កើតនៅ
សម័យមហានគរហើយត្រូវបានព្រះមហាក្សត្រីយានីស៊ីសុវត្ថិ កុសមៈនារីរ័ត្នចាប់ផ្តើម បង្កើតឡើងជាផ្លូវការនៅឆ្នាំ១៩៦០នាសម័យ សង្គមរាស្ត្រនិយម ដោយក្រុមសម្តែង សុទ្ធតែនារីស្អាតៗក្មេងៗទៀតផង។

នៅតាមភូមិស្រុកនីមួយៗ ប្រជាពលរដ្ឋតែងតែមានទំលៀមទម្លាប់ប្រពៃណីខុសគ្នា
តាំងពីដូនតាហើយពូកគេបានបង្កើតជា សិល្បៈចំរៀង និងរបាំជាច្រើនប្រភេទដើម្បី
បង្កើតឪ្យមានការសប្បាយរីករាយបំបាត់ការអផ្សុក ក្នុងពិធីបុណ្យទានម្តងៗក្លាយជា ទំនៀមទម្លាប់ប្រពៃណីហើយរបាំខ្លះទៀតសំរាប់បួងសួងចំពោះវត្ថុស័ក្តសិទ្ធក្នុងបំណង
សុំទឹកភ្លៀងលាបំណន់…..។ចាប់តាំងពីព្រះបាទ ហ៊ុន ទៀងបានរៀបអភិសេកជាមួយ
ព្រះនាងលីវយីបឋមក្សត្រីខ្មែរសម័យនគរភ្នំនាសតវត្សទីមួយទ្រង់ បាននាំយកវប្បធម៍ ពីប្រទេសឥណ្ឌាមកផ្សព្វផ្សាយចំពោះជនជាតិខ្មែរ ប៉ុន្តែប្រជាពលរដ្ឋមិនទទួលទាំង ស្រុងនោះទេគឺទទួលយកមកកែច្នៃឪ្យមានលក្ខណៈ ជាតិនិយមប៉ុណ្ណោះ។ ក្នុងនោះគេ
សង្កេតឃើញរបាំជាច្រើនដែលប្រជាពលរដ្ឋ យកមកសម្តែងក្នុងកម្មវិធីបុណ្យ តូច, ធំ
តាមតំបន់និងសម័យកាលដែលពួកគេនិយមតាំងពីសម័យបុរាណរហូតដល់បច្ចុប្បន្ន
ហើយក្លាយជារបាំប្រពៃណីជាតិទៀតផង ។

ក្នុងចំនោមរបាំទាំងនោះ គេឃើញរបាំអប្សារា ឬរបាំទេវតាដែលគេតែងតែ លើកយក
ទៅសម្តែងក្នុងពិធីបុណ្យជាតិ,អន្តរជាតិថ្វាយព្រះមហាក្សត្រ ភ្ញៀវកិត្តិយសកម្មវីធី មហោស្រពធំៗបុណ្យសាសនាត្រូវបានទស្សនិកជននិយមយ៉ាងខ្លាំង ព្រោះរបាំនេះ មានចង្វាក់រាំទន់ភ្លន់សមសូនរស់រវើកបង្ហាញពីអារម្មណ៏ស្ងប់ស្ងាត់ គ្មានទុក្ខកង្វល់
ញញឹមរាក់ទាក់ប៉ុន្តែរឹងប៉ឹងមាំមួននិងមានចារិកជាតិជ្រាលជ្រៅ ។

បើតាមក្បាច់ចម្លាក់នៅតាមប្រាងប្រាសាទអង្គរវត្ត បុព្វបុរសយើងមានចម្លាក់របាំនេះ ជាប់នឹងជញ្ជាំងយ៉ាងស្រស់សោភាគួរឪ្យគយគន់ធ្វើឪ្យអ្នកទេសចរណ៏នាំគ្នាសម្លក់ សម្មឹងហើយពោកពាក្យសរសើរមិនដាច់ពីមាត់ស្ទើរគ្រប់ៗគ្នាពី ទេពកោសល្យនិង
ចម្លាក់ក្បាច់រាំ។ចម្លាក់ទាំងនេះគេអាចសន្និដ្ឋានបានថា របាំអប្សារាទំនងមានកំនើត តាំងពីមុនសម័យមហានគរឬសម័យអង្គរម៉្លេះ ប៉ុន្តែឯកសារទាក់ទិន នឹងរបាំនេះត្រូវ វិនាសបាត់សូន្យរកសំដៅមិនឃើញសោះឡើយដោយគ្រាន់តែបន្សល់ទុកត្រឹមតែរូប ចម្លាក់ប៉ុណ្ណោះ។

របាំអប្សារា សព្វថ្ងៃកំពុងទទួលបានប្រជាប្រិយភាពយ៉ាងខ្លាំងដោយគេសង្កេតឃើញ នៅតាមសាលារៀនគ្រប់កំរិតសិក្សាត្រូវ បានលោកគ្រូ , អ្នកគ្រូបង្ហាត់របាំនេះដល់ សិស្សានុសិស្សដើម្បីយកទៅសម្តែងក្នុងពិធីបុណ្យដូចជា របាំមនោរម្យ អប្សារាទេព ប្រណម្យដល់ពួកនិស្សិតផងដែរហើយរបាំនេះមិនត្រឹមតែ មានប្រជាប្រិយភាពការ និយមគាំទ្រពីសំណាក់មហាជនប៉ុណ្ណោះទេគឺវាល្បីខ្ទរខ្ទាយលើធាកអង្តរជាតិទៀតផង ដោយក្រុមសិល្បៈអប្សារាឆ្លាប់ទៅសម្តែងនៅប្រទេសបារាំង សហរដ្ឋអាមេរិក ជប៉ុន។

(ប្រភពៈ everyday)

មតិយោបល់សូមចុច Comment

ព្រះមហាក្សត្រយាងបើកសម័យប្រជុំដំបូង របស់ព្រឹទ្ធសភានីតិកាលទី២

កាលពីថ្ងៃទី២០ ខែមិនា ២០០៦ ម្សិលម៉ិញនេះនៅក្នុងការបើកសម័យប្រជុំលើកដំបូង
នីតិកាលទី២នៃព្រឹទ្ធសភាត្រូវបានព្រះមហាក្សត្រ នៃព្រះរាជាណាចក្រកម្ពុជាព្រះករុ ណាព្រះបាទនរោត្តមសីហមុនយាងធ្វើជាព្រះរាជធិបតីភាពដោយ ព្រះអង្គចាត់ទុកថា ការបើកសម័យប្រជុំលើកដំបូងនេះគឺស្របទៅតាមការកំនត់របស់រដ្ឆធម្មនុញ្ញ នៃព្រះ រាជាណាចក្រកម្ពុជាបន្ទាប់ពីម្ចាស់ឆ្នោតរួមមានសមាជិករដ្ឋសភា និងសមាជិកក្រុម ព្រឹក្សាឃុំ/សង្កាតដែលសម្តែងនូវធន្ទះរបស់ខ្លួនតាមរយៈ ការបោះឆ្នោតអសកលដែល បានធ្វើឡើងកាលពីថ្ងៃអាទិត្យទី២២មករាឆ្នាំ២០០៦ កន្លងទៅ ។

នៅក្នុងឪកាសបើកសម័យប្រជុំលើកដំបូងនេះ ព្រះមហាក្សត្រទ្រង់បាន សម្តែងនូវ
គារវកិច្ចដ៏ខ្ពង់ខ្ពស់ប្រកបដោយក្តីអំណរសាទរ ដ៏កក់ក្តៅដល់ សមាជិក សមាជិកា
ព្រឹទ្ធសភានីតិកាលទី២ដែលពិតជានឹងរួបរួមគ្នាដើម្បីបំពេញ នូវតួនាទីនៅក្នុងស្ថាប័ន
និតិបញ្ញត្តិកំពូលរបស់ព្រះរាជាណាចក្រកម្ពុជាធ្វើឪ្យអំណាចរដ្ឋមានតុល្យភាព និងប្រ ព្រឹតទៅបានយ៉ាងល្អប្រសើរសំដៅការពារមូលដ្ឋានគ្រឹះនៃរដ្ឋធម្មនុញ្ញនិងគោលការណ៏
នៃលទ្ធិប្រជា​ធិបតេយ្យសេរីពហុបក្ស។

ព្រះបរមនាថ នរោត្តម សីហមុនី ព្រះអង្គបានរំលឹក និងវាយតម្លៃចាប់តាំងពីស្ថាប័ន ព្រឹទ្ធសភាត្រូវបានបង្កើតឡើងលើកដំបូងនៅថ្ងៃទី២៥ មិនា ឆ្នាំ១៩៩៩ ថាបានធ្វើ ដំណើរនៅកំណាត់ផ្លូវមួយប្រកបដោយស្នាដៃនិងកិត្តិយសដ៏ល្អប្រពៃ ក្នុងមនសិការ ជាតិនិងស្មារតីទទួលខុសត្រូវខ្ពស់។ព្រះអង្គក៏បានរំលឹកពី ប្រវត្តិសាស្ត្រដែលចារឹកទុក ថាខ្មែរគឺជាប្រជាជាតិមួយដែលធ្លាប់មានអរិយធម៍ដ៏ ថ្លៃថ្លារុងរឿងហេតុដូចនេះយើង ទាំងអស់គ្នាជាកូនចៅជំនាន់ក្រោយចាំបាច់ត្រូវតែមានធន្ទះ រួបរួមគ្នាធានាការពារឯក រាជ្យជាតិអធិបតេយ្យភាពនិងបូរណភាពទឹកដីនៃព្រះរាជាណាចក្រកម្ពុជា ដើម្បីអភិ វឌ្ឍជាតិយើងឪ្យមានការរីកចំរើនឡើងលើគ្រប់វិស័យសំដៅធ្វើឪ្យជាតិ និងប្រជារាស្ត្រ មានការឈានឡើងយ៉ាងធាប់រហ័សនិងដើរទាន់ប្រទេសនានានៅលើពិភពលោក
ប្រកបដោយសុទិដ្ឋិនិយមដ៏មុតមាំចំពោះអនាគត។

ជាមួយគ្នានេះនៅសម័យប្រជុំនោះ ក៏មានការបោះឆ្នោតជ្រើសតាំងប្រធាននិងអនុ ប្រធានព្រឹទ្ធសភាដែរដែលលទ្ធផលគឺសម្តេចជាស៊ីមបានជាប់ឆ្នោតជា ប្រធាន ដោយ សម្លេងគាំទ្រ៦០ក្នុងសម្លេងទាំងអស់៦១។សម្តេចស៊ីសុវត្ថិជីវ័នមុនីរ័ក្សបានជាប់ឆ្នោត ជាអនុប្រធានទី១នៃព្រឹទ្ធសភាដោយសម្លេងគាំទ្រ៥១សម្លេង និងអនុប្រធានទី២បាន ទៅលោកទេពងួនដែលមាន សម្លេងគាំទ្រ៥៣សម្លេង អនុប្បវាទ៣សម្លេង និងមិន
យល់ព្រម៥សម្លេង។ចំណែកឯលោកប៉ោ ប៊ុនស្រី អតីតអនុប្រធានទី២ព្រឹទ្្ធ​សភាបាន
ប្រកាសមិនឈរឈ្មោះបេក្ខជនអនុប្រធានទេ ។

នៅក្នុងឪកាសបើកសម័យប្រជុំលើកដំបូងនីតិកាលទី២នេះដែរ នៅក្នុងការធ្វើសច្ចា
ប្រណិធានចូលកាន់មុខតំណែង ដែលធ្វើឡើងនៅព្រះបរមរាជវាំង ព្រះមហាក្សត្រ
ទ្រង់ក៏បានមានព្រះរាជបន្ទួល សូមឪ្យសមាជិក សមាជិកា នៃព្រឹទ្ធសភាទាំងអស់
ខឹតខំ បំពេញការងារថែរក្សាវិន័យ និង សីលធម៍ការងារ ឪ្យបានខ្ពស់ជាប់ជានិច្ច
ព្រមទាំងគោរពដោយស្មោះស្ម័គ្រនិងឪ្យបានត្រឹមត្រូវតាមសច្ចាប្រណិធានរៀងៗខ្លួន ដើម្បីបំពេញនិងផ្តល់ភាពកក់ក្តៅដល់ប្រជាជាតិយើង ដែលចង់បានព្រឹទ្ធសភាមួយ ប្រកបដោយមនសិការទទួលខុសត្រូវខ្ពស់ព្រមធ្វើឪ្យមានដំណើរយ៉ាង រលូនទៅមុខ និងមានប្រសិទ្ធិភាព។

(ប្រភពៈ កាសែតរស្មីកម្ពុជា)

មតិយោបល់សូមចុច Comment

មានការប្រឆាំងនឹងសង្គ្រាមនៅអ៊ីរ៉ាក់ទូទាំងពិភពលោក

មានបាតុកររាប់ពាន់នាក់បានធ្វើការប្រឆាំងពាសពេញពិភពលោកដោយមិនទទួលស្គាល់
ចំពោះការធ្វើសង្គ្រាមវាយលុកចូលប្រទេសអ៊ីរ៉ាក់ដឹកនាំដោយសហរដ្ឆអាមេរិកកាលពីឆ្នាំ
២០០៣ខណៈពេលសហរដ្ឆអាមេរិកធ្វើការរំលឹកខួបទីបី និង ជោគជ័យដែលសំរេចបាន
នៅក្នុងប្រទេសអ៊ីរ៉ាក់។

តាំងពីអឺរ៉ុប រហូតដល់ អាស៊ី និងអាមេរិក ក្រុមបាតុករបានធ្វើការទាមទារឪ្យសហរដ្ឆ អាមេរិកបញ្ចប់នូវការកាន់កាប់ដោយអំណាចយោធារបស់ខ្លួននៅប្រទេសអ៊ីរ៉ាក់ខណៈ ដែលប្រធានាធិបតីសហរដ្ឆអាមេរិកលោក ចច ដាប្បលយូ ប៊ូស គឺជាគោលដៅក្នុងការ
ជេប្រមាថមានតាំងពីថាលោកជា"មនុស្សកំសាក"រហូតដល់ថាលោក ប៊ូសជា"ភេរវករ"
មានមនុស្សជិត៤,០០០នាក់បានធ្វើការប្រឆាំងនៅក្នុងទីក្រុងម៉ាឌ្រីតប្រទេសអេស្ប៉ាញ
ដោយស្រែកនិងលើកបាដា ទាមទារឪ្យបញ្ចប់ការកាន់កាប់នៅអ៊ីរ៉ាក់ ។ ហ្វូងបាតុករ
បានជួបជុំគ្នានៅខាងក្រៅក្រសួងការបរទេសអេស្ប៉ាញ ក្នុងការប្រឆាំងដែលរៀបចំ
ឡើងដោយសង្គមធ្វេងនិយមនិងក្រុមនយោបាយចំនួន៣០នាក់ ។ ពួកគេចាត់ទុកថាការ
ឡោមនៅទីក្រុងហ្វាលួចារ នៅភាគខាងលិចនៃប្រទេសអ៊ីរ៉ាក់ដោយសហរដ្ឆអាមេរិកនៅ
ឆ្នាំ២០០៤គឺជា"ឧក្រិដ្្ធកម្មសង្គ្រាម"ដោយប្រៀបទៅនឹងសង្គ្រាមជាក់ស្តែងនៅទីក្រុង ហ្កឺនិកាអំឡុងពេលសង្គាមស៊ីវិលនៅអេស្ប៉ាញ ។

មានបាដាមួយបានសរសេរទាមទាររកយុត្តិធម៍ឪ្យអ្នកថតរូបពត៍មានជនជាតិអេស្ប៉ាញ
ឈ្មោះចូសគូសូដែលត្រូវបានសំលាប់កាលពីឆ្នាំ២០០៣ ដោយរដ្ធក្រោះអាមេរិកបានធ្វើ
ការវាយប្រហារលើសណ្ឆាគារយីហោប៉ាឡេស្ទីន នៅក្នុងទីក្រុងហ្វាលូចារនោះ ។ មាន
ការធ្វើបាតុកម្មប្រឆាំងនឹងសង្គ្រាមនៅអ៊ីរ៉ាក់ជាច្រើននៅក្នុងប្រទេសដទៃទៀតបានធ្វើ
ឡើងកាលពីថ្ងៃអាទិត្យតាមទីក្រុងនានានៅក្នុងប្រទេសអឺរ៉ុប និងអាមេរិក ។

នៅក្នុងទីក្រុងប្រ៊ុយស៊ែល នៃប្រទេសបែលហ្ស៊ិក មានចំនួនមនុស្ស៥,០០០នាក់បាន ធ្វើបាតុកម្មប្រឆាំងនៅមុខស្ថានទូតអាមេរិកបើតាមក្រុមចម្រុះដែលរៀបការប្រឆាំងបាន ប្រាប់ឪ្យដឹងតែប៉ូលីសបានប្រាប់ថាមានអ្នកទៅចូលរួមត្រឹមតែ២,០០០នាក់ប៉ុណ្ណោះ។ ចំនែកប្រទេសឆេកក្ន្ុងទីក្រុងប្រាក មានមនុស្សចំនួនប្រមាណជា ៥០នាក់បានធ្វើការ ប្រឆាំងដែរដោយទាមទារឪ្យបញ្ឈប់នូវយុទ្ធនាការរបស់អាមេរិក។ ក្រៅពីនេះនៅមាន ប្រទេសជាច្រើនទៀតដែលមានរួមទាំងប្រទេសម៉ាឡេស៊ី ប្រទេសគុបា និង ប្រទេស វេណេហ្ស៊ុយអេឡាដែលជាអ្នកប្រឆាំងនឹងអាមេរិកខ្លាំងក្លាជាងគេបំផុត ។

(ប្រភពៈ ពត៍មានអាស៊ី)

មតិយោបល់សូមចុច Comment

អនុញ្ញាតឪ្យរថយន្តចង្កូតស្តាំធ្វើចរាចរតែត្រូវបង់ពន្ធ

សម្តេចនាយករដ្ឆមន្ត្រី ហ៊ុន សែន បានប្រកាសជាផ្លូវការឱ្យ អ្នកប្រើប្រាស់រថយន្ត ចង្កូតស្តាំអាចធ្វើចរាចរដោយស្របច្បាប់បានដូចរថយន្តចង្កូតឆ្វេងដែរតែម្ចាស់រថយន្ត ត្រូវតែមកបង់ពន្ធ។ថ្លែងក្នុងពិធីបិទសន្និបាទមួយកាលពីថ្ងៃទី១៧មិនា ឆ្នាំ២០០៦នៅ ទីក្រុងភ្នំពេញសម្តេចនាយករដ្ឆមន្ត្រីហ៊ុនសែន បានប្រកាសជាផ្លូវការថា យើងផ្តល់ឱ្យ ឡានចង្កូតស្តាំដែលកំពុងមាននៅក្នុងប្រទេសកម្ពុជាធ្វើដំណើរដោយស្របច្បាប់ដោយ ឱ្យពួកគាត់ទាំងអស់បង់ពន្ធនិង ផ្តល់ផ្លាកលេខដូចឡានចង្កូតឆ្វេង ដើម្បីបញ្ចប់នូវការ ភ័យខ្លាចរបស់ពួកគាត់ពេលធ្វើចរាចរខ្លាចប៉ូលីសចាប់ ដែលជាមូលហេតុតូចមួយអាច បណ្តាលឱ្យមានគ្រោះថ្នាក់ចរាចរ។

សម្តេចនាយករដ្ឆមន្ត្រី បានមានប្រសាសន៏ថា វិធីដ៏ល្អតែមួយគត់របស់យើង គឺអំពាវ នាវឱ្យរថយន្តចង្កូតស្តាំទាំងអស់ចូលមកបង់ពន្ធ និងធ្វើថ្លាកលេខដើម្បីឆ្វើចរាចរស្រប ច្បាប់។អ្វីដែលចាំបាច់នោះគឺបញ្ឈប់ការ អុនញ្ញាតឱ្យមានការនាំចូលរថយន្តចង្កូតស្តាំ បន្តទៀតចំនែករថយន្តមាននៅក្នុងប្រទេសហើយគឺផ្តល់ភាពស្របច្បាប់ឪ្យឆ្វើចរាចរ។

សម្តេចនាយករដ្ឆមន្ត្រីបានចាត់ទុកថានេះជាវិធីសាស្ត្រក្នុងការដោះស្រាយបញ្ហាដែល
បញ្ហានេះវានឹងជួយសំរួលយ៉ាងច្រើន ឆ្វើឪ្យរដ្ឆអាចប្រមូលពន្ធរថយន្តបានបន្ថែមទៀត ប្រជាពលរដ្ឆប្រើប្រាស់រថយន្តចង្កូតស្តាំលែងភ័យព្រួយ ហើយក៏បញ្ចប់ការយកលុយ ដោយខុសច្បាប់របស់ប៉ូលីសនិងប៉េអឹមផងដែរ ។

សម្តេច ហ៊ុន សែន បានប៉ាន់ប្រមាណថា មានរថយន្តចង្កូតស្តាំប្រមាណមិនតិចជាង
២ម៉ឺនទៅ៣ម៉ឺនគ្រឿងនៅក្នុងប្រទេសនាពេលបច្ចុប្បន្ននេះ សម្តេចហ៊ុន សែនបានមាន ប្រសាសន៏ថាវាប្រាកដជាមិនអាចជៀសផុតនូវ ការច្រៀតចូល នៃរថយន្តចង្កូតស្តាំ នោះទេ។ក៏ប៉ុន្តែចាប់ពីថ្ងៃនេះទៅសមត្ថកិច្ចគយត្រូវតែបញ្ឈប់ កុំឱ្យមានការនាំចូល រថយន្តចង្កូតស្តាំបន្តទៀតមកក្នុងប្រទេស។

(ដកស្រង់ពីកាសែតរស្មីកម្ពុជា)

មតិយោបល់សូមចុច Comment